Ürümchi shehiri j x tarmaqlirigha 3000 adem tutush sanliq körsetküchi chüshürgen

Muxbirimiz erkin
2017-11-02
Élxet
Pikir
Share
Print

Ürümchi sheherlik j x idarisi bu hepte her qaysi shöbe saqchi idarlirigha hökümetke qarshi söz qilghan, cheklen'gen chet'el ün-sinlirini körgen Uyghur we qazaqlardin 3000 ademni tutush sanliq körsetküchi chüshürgen.

Bir qazaq puqrasining charshenbe küni radi'omizgha ashkarilishiche, ürümchi shehiri tengritagh rayonluq saqchi idarisi bu heptining bashlirida sheherlik j x idarisining 3000 adem tutush heqqidiki sanliq körwetküchini tapshuruwalghan. Mezkur qazaq puqrasi, bu heqtiki uchurni ürümchi sheherlik j x sistémisidiki bir saqchi tonushidin alghanliqinini ilgiri sürgen. Uning bayan qilishiche, uning saqchi tonushi ürümchi sheherlik saqchi idarisining ichki qisimda adem tutush körsetküchi chüshürüp, 3000 a'em tutushni telep qilghanliqini bildürgen. U, "Bir hepte ichide choqum Uyghur we qazaqlardin 3000 adem tutush telep qilindi," dégen.

Mezkur xewer ürümchi sheherlik j x organliri teripidin téxi delillenmigen bolsimu, biraq Uyghur aptonom rayonining bezi jayliridiki ahaliler ilgiri yuqirining chüshürüp bergen adem tutush körsetküchini orunlashta qiyniliwatqanliqini bildürgen idi. Xitay da'irilirining Uyghur rayonida her qaysi j x tarmaqlirigha adem tutush körsetküchi chüshürüp bérishi yéngiliq bolmisimu, emma bu ehwal ötken yilning axirliridin bashlap bashqiche tüs alghan.

Da'iriler tutqun qilishni kéngeytip, jem'iyetning melum qatlimini nishanliq tutqun qilishqa bashlighan. Uyghur rayonidiki yerlik ahalilerning ashkarilishiche, da'iriler "Yépiq terbiyelesh merkezliri" ni qurup, bezi yéza-kentlerdiki ahalining 40 pirsentini "Yépiq terbiyelesh merkezliri" ge ewetish heqqide aghzaki yolyoruq chüshürgen.

Xitayning rayondiki bu xil basturush herikiti kishilik hoquq teshkilatlirining tenqidige uchrighan idi. Kishilik hoquqni közitish teshkilati yéqinda bayanat élan qilip, xitayni ahalilerni qalaymiqan tutqun qilishni toxtitishni, "Yépiq terbiyelesh mnerkezliri" ni taqashni telep qilghan.

Toluq bet