Дөрбилҗин наһийисидә 500 чә содигәр тутқун қилинған

Мухбиримиз әзиз
2017.11.14

Радиомиз хитай бөлүминиң йеқинқи ениқлашлири давамида мушу айниң башлиридин тартип дөрбилҗин наһийисидә қазақистан билән сода алақисидә болған 500 чә кишиниң тутқун қилинғанлиқи, уларниң банка һесабатлириниң болса тоңлитилғанлиқи ашкара болди.

Дөрбилҗин наһийәсидики әһвалдин хәвәрдар бирәйлән бу һәқтә мәлумат берип сақчилар тутқун қилғанларниң асасән қазақистан билән сода қилип пул тапқан йәккә тиҗарәтчиләр икәнликини, көп қисми қазақ болған бу тутқунларниң һазир ғулҗа шәһиригә елип кетилгәнликини билдүргән.

Қазақистан пуқралиқиға өткән үрүмчилик дохтур анаргүл малик бу һәқтә радийомизниң хитай мухбирлириниң зияритини қобул қилип, өзиниң бир айчә илгири сиңлисиға почтидин он миң сом хәлқ пули әвәтип бәргәнликини, әмма сиңлиси пулни елип икки саәт өтә өтмәйла сақчиларниң сиңлисини издәп келип “тәрбийиләш мәркизи” гә елип кәткәнликини, һазирғичә униң өлүк-тирикини билмәйдиғанлиқини ейтқан.

У бу һәқтә сөз қилип, “телефон урсам туғқанлиримдин һечким қорқуп алмайватиду. Ахири сиңлимни издәп үч қетим сақчиханиға бардуқ, әмма хитайлар бизгә һечқандақ җаваб бәргили унимиди” дегән.

Мәлум болушичә, уйғурлар диярида 5.1 Милйончә қазақ яшайдиған болуп, уларниң көпинчиси или қазақ аптоном областиға җайлашқан икән. Анализчилар бу һәқтә пикир қилип, “хитай һөкүмити илгири қазақларни көтүрүш арқилиқ уйғурларни чәкләп кәлгән иди. Әмди улар қазақларни җайлашқа өтмәктә” деди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.