Бир хитай көчмән ақсуни түрмигә охшитип учур тарқатқанлиқи үчүн тутқун қилинған

Мухбиримиз шөһрәт һошур
2017-07-26
Елхәт
Пикир
Share
Принт

Уйғур аптоном районлуқ тор учур-алақә идариси йеқинда, торда қанунсиз учур тарқитиш делосидин йәнә 12 си паш болғанлиқини елан қилған.

Тәңритағ ториниң бүгүнки бу һәқтики хәвиридин мәлум болушичә, делолардин бири, ақсуда яшаватқан 26 яшлиқ йүән фамилилик бир хитай көчмән һәққидә болуп, у торда «ақсу бир түрмигә охшап қалди, һәммә адәм террорчи қиливетилди» дәп учур тарқатқанлиқи үчүн муқимлиққа қарита қутратқулуқ характеридә сөз қилиш билән әйиблинип тутуп туруш мәмури җазаси берилгән. Бәзи хәлқара хәвәрләрдә уйғур райониниң муқимлиқ вәзийитидики зиядә җиддийчиликтин райондики хитай пуқралириниңму биарам болуватқанлиқи тилға елинған иди.

Тәңритағниң бүгүнки мәзкур хәвиридә дейилишичә, бу, тор-учур алақә идариси елан қилған 6‏-түркүмдики қанунсиз учур тарқитиш делолири болуп, бу җәмий 12 кишигә четилған, булардин 6 нәпири уйғур, икки нәпири хитай, бир нәпири дуңшаң, 3 нәпири қазақ миллитидиндур. Йеқинда радийомизға кәлгән инкасларда, нөвәттә уйғур районида қазақларға қаритаму назарәтниң күчәйгәнлики тәкитләнгән иди.

Пикирләр (0)
Share
Толуқ бәт