Bir xitay köchmen aqsuni türmige oxshitip uchur tarqatqanliqi üchün tutqun qilin'ghan

Muxbirimiz shöhret hoshur
2017-07-26
Share

Uyghur aptonom rayonluq tor uchur-alaqe idarisi yéqinda, torda qanunsiz uchur tarqitish délosidin yene 12 si pash bolghanliqini élan qilghan.

Tengritagh torining bügünki bu heqtiki xewiridin melum bolushiche, délolardin biri, aqsuda yashawatqan 26 yashliq yüen famililik bir xitay köchmen heqqide bolup, u torda "Aqsu bir türmige oxshap qaldi, hemme adem térrorchi qiliwétildi" dep uchur tarqatqanliqi üchün muqimliqqa qarita qutratquluq xaraktéride söz qilish bilen eyiblinip tutup turush memuri jazasi bérilgen. Bezi xelq'ara xewerlerde Uyghur rayonining muqimliq weziyitidiki ziyade jiddiychiliktin rayondiki xitay puqraliriningmu bi'aram boluwatqanliqi tilgha élin'ghan idi.

Tengritaghning bügünki mezkur xewiride déyilishiche, bu, tor-uchur alaqe idarisi élan qilghan 6‏-türkümdiki qanunsiz uchur tarqitish déloliri bolup, bu jem'iy 12 kishige chétilghan, bulardin 6 nepiri Uyghur, ikki nepiri xitay, bir nepiri dungshang, 3 nepiri qazaq millitidindur. Yéqinda radiyomizgha kelgen inkaslarda, nöwette Uyghur rayonida qazaqlargha qaritamu nazaretning kücheygenliki tekitlen'gen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet