Уйғур дияридики вирус юқумдарлириниң сани давамлиқ көпәймәктә

Мухбиримиз әзиз
2022.01.26

Йеқиндин буян һәрқайси ахбарат вастилиридә уйғур дияридики вирус юқуминиң көпийишкә қарап меңиватқанлиқи һәққидә хәвәрләр орун елишқа башлиди. Хитай һөкүмити башқурушидики “хәлқ тори” ниң 26-январдики хәвиридә ейтилишичә, қорғас наһийсидә йеңидин икки юқумдар, аламәтсиз юқумдардин алтә киши байқалған. Әмма хитай һөкүмитиниң вирус юқуми һәққидики санлиқ мәлуматларни йошуруп кәлгәнликидәк реаллиқ түпәйлидин һәқиқи санниң қанчә икәнлики һазирчә намәлум икән.

Хитай һөкүмити “вабани нөлгә чүшүрүш” тәдбирини қаттиқ иҗра қиливатқан болуп, буниңда улар изчил қоллинип кәлгән чариләрниң бири “қамал қилиш арқилиқ тосуш” болғанлиқи мәлум. Әмма буниңда аһалиниң сирт билән барлиқ алақиси мутләқ үзүп ташлинидиғанлиқи үчүн қамал қилинған шәһәр аһалисиниң йемәк-ичмәк җәһәттә еғир мүшкүллүккә дуч келидиғанлиқи, шуниңдәк бир қисим җайларда мушу түпәйлидин өлүм-йитим вәқәлириниң болғанлиқи иҗтимаий таратқуларда әкс әткән иди.

Һазир қорғас наһийисидә қамал тәдбириниң елинған яки елинмиғанлиқи намәлум болуп, байқалған бимарларниң башқилардин айрип көзитиливатқанлиқи тәкитләнмәктә икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.