Uyghur aptonom rayonida chet'eldin kirgen xitay we chet'el puqraliri 14 kün karantin'gha élinidu

Muxbirimiz erkin
2020.03.20

Xitay da'iriliri 18-mart küni uqturush chüshürüp, Uyghur aptonom rayonigha chet'eldin kirgen xitay we chet'el puqralirining 14 kün karantin'gha élinidighanliqini élan qilghan.

Uyghur aptonom rayonluq tajsiman öpke yallughi wirusidin mudapi'e körüsh qomandanliq shtabi élan qilghan mezkur uqturush 19-mart küni tang seherdin bashlap ijra qilinishqa bashlighan. Uqturushta qeyt qilinishiche, mezkur rayon'gha meyli chet'eldin biwasite kirgen yaki ichkiri ölkiler arqiliq wasitilik kirgen xitay we chet'el puqraliri bolsun 14 kün merkezleshtürülüp karantin'gha élinidiken.

Uqturushta, bu xil kishilerning derhal ayrodrom we poyiz istansiliridiki tekshürüsh orunlirigha yaki ijtima'iy rayon xadimlirigha özini melum qilishi telep qilin'ghan. Xitayning wuxen shehiride korona wirusi partlighandin kéyin Uyghur aptonom rayoni da'iriliri rayonda 76 yuqumdar bayqalghanliqi, ularning 3 ning ölgenlikini élan qilghan.

Lékin da'irilerning sheher-yézilarni qamal qilip, yuqumgha da'ir uchurlarni qattiq kontrol qilishi, shundaqla qisqa waqit ichide yuqumdarlarning saqayghanliqi, yuqumning pütünley aldi élin'ghanliqini élan qilishi yuqumning heqiqiy ehwaligha qarita her xil gumanlarni qozghighanidi.

Bolupmu uning karantin tedbirliri toluq bikar qilinmay turup Uyghur ishlemchilerni keng kölemde yötkishi bu jehettiki endishe we gumanlarni téximu kücheytkenidi. “Shinjang géziti” ning xewer qilishiche, nöwette rayondiki sana'et karxanilirining 99.3% I ishlepchiqirishni eslige keltürüp bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.