Da'iriler Uyghur rayonidiki ishlepchiqirishning yuqumning aldini élish we kontrol qilish tedbirliri asasida eslige keltürgenlikini teshwiq qilmaqta

Muxbirimiz irade
2020-04-02
Élxet
Pikir
Share
Print

Uyghur rayonluq da'iriler hedep rayondiki ishlepchiqirishning yuqumning aldini élish we kontrol qilish tedbirliri asasida eslige keltürgenlikini teshwiq qilmaqta.

Xitayning hökümet taratqulirining bügün tarqatqan bir xewiride kucha nahiyesidiki bir toqumichiliq zawutini misalgha élip turup, rayondiki ishlepchiqirishning sehiye ölchemlirige mas halda eslige keltürülgenlikini bayan qilghan.

Xewerde mundaq déyilgen: "1-Aprél küni shinjang yipek yoli jintong toqumichiliq cheklik shirkitining ishlepchiqirish liniyesi ghonguldidi. . . Zawut rayoni, séx we üsküniler pütünley dézinféksiye qilin'ghan, xizmetchilerning beden témpératurisi ölchen'gen we maska tarqitilghan, yuqumning aldini élish bixeterlikige kapaletlik qilish aldinqi sherti bilen normal ishlepchiqirish tertiplik eslige keltürülgen bir menzire shekillendi."

Xewerde bir qanche Uyghur ishchining sözliridin neqil élin'ghan bolup, ular zawutning maska, peley tarqitip bériliwatqanliqini, beden témpiraturasini ölchep turidighanliqi, özlirini séxta nahayiti bixeter hés qilidighanliqini éytqan.

Yéqindin buyan Uyghur élidin türkümligen emgek küchlirining yuqum ehwali intayin éghir xitay ölkilirige ishlepchiqirishni eslige keltürüsh üchün ewetilishi xelq'araning küchlük diqqitini qozghighan. Nurghun xelq'araliq metbu'atlarning bu heqtiki xewerliride xitay hökümitining Uyghur emgek küchlirini krizis mezgilide xitay iqtisadini qutuldurup qélish yolida qurban qiliwatqanliqini tenqid qilghan idi.

Halbuki, "Xitay kündilik géziti" bügün élan qilghan xewiride yuqumni kontrol qilish bilen bixeter ishlepchiqirishni teng élip barghili bolidighanliqini qayta-qayta tekitligen.

Toluq bet