Уйғур дияридики вирус юқумдарлириниң сани гуман қозғимақта

Мухбиримиз әзиз
2020-04-14
Елхәт
Пикир
Share
Принт

Таҗсиман вируси билән юқумланған кишиләрниң сани дуня бойичә тез сүрәттә ешип меңиватқанда хитай һөкүмити вирус юқумдарлириниң санида толуқ контроллуқниң ишқа ашқанлиқини тәкитләп кәлмәктә.

«Хитай хәвәрлири тори» ниң 14-апрелдики санида ейтилишичә, хитайда шу күни йеңидин байқалған юқумдарларниң сани 89 болуп, булардин пәқәт үч нәпири хитай тәвәсидин байқалған. Қалғанлири пүтүнләй чегра сиртидин кәлгән вирус юқумдарлири икән.

«Тәңритағ» ториниң 12-апрелдики хәвиридә пүткүл уйғур диярида йеңидин юқумланғанлар саниниң нөл икәнлики алаһидә тәкитләнгән.

Әмма көзәткүчиләр хитай һөкүмити елан қилған санлардин изчил гуманлиниватқан болуп, «бу пүтүнләй хитай һөкүмитиниң вирус сәвәбидин тохтап қалған ишләпчиқиришни әслигә кәлтүрүш тәшвиқатидин башқа нәрсә әмәс» демәктә икән.

Әмма CBS агентлиқиниң 14-апрелдики хәвиридә ейтилишичә, асиядики көплигән дөләтләр хитайдики иккинчи қетимлиқ вирусниң юқири долқунидин әндишә қилмақта икән. Хитайда аламәтсиз бимарларниң көп санлиқни тәшкил қилиши һәмдә йеқинқи мәзгилләрдә бикар қилинған шәһәрни қамал қилиш тәдбирлиридин кейин вухәндин зор сандики хитайларниң һәрқайси җайларға тарқилиши түпәйлидин нурғун хитай шәһәрлиридә йәнила қорқунч сәвәбидин келип чиққан чөлдәрәш мәнзириси давам қилмақта икән.

Пикирләр (0)
Share
Толуқ бәт