Uyghur diyaridiki wirus yuqumdarlirining sani guman qozghimaqta

Muxbirimiz eziz
2020-04-14
Élxet
Pikir
Share
Print

Tajsiman wirusi bilen yuqumlan'ghan kishilerning sani dunya boyiche téz sür'ette éship méngiwatqanda xitay hökümiti wirus yuqumdarlirining sanida toluq kontrolluqning ishqa ashqanliqini tekitlep kelmekte.

"Xitay xewerliri tori" ning 14-apréldiki sanida éytilishiche, xitayda shu küni yéngidin bayqalghan yuqumdarlarning sani 89 bolup, bulardin peqet üch nepiri xitay tewesidin bayqalghan. Qalghanliri pütünley chégra sirtidin kelgen wirus yuqumdarliri iken.

"Tengritagh" torining 12-apréldiki xewiride pütkül Uyghur diyarida yéngidin yuqumlan'ghanlar sanining nöl ikenliki alahide tekitlen'gen.

Emma közetküchiler xitay hökümiti élan qilghan sanlardin izchil gumanliniwatqan bolup, "Bu pütünley xitay hökümitining wirus sewebidin toxtap qalghan ishlepchiqirishni eslige keltürüsh teshwiqatidin bashqa nerse emes" démekte iken.

Emma CBS agéntliqining 14-apréldiki xewiride éytilishiche, asiyadiki köpligen döletler xitaydiki ikkinchi qétimliq wirusning yuqiri dolqunidin endishe qilmaqta iken. Xitayda alametsiz bimarlarning köp sanliqni teshkil qilishi hemde yéqinqi mezgillerde bikar qilin'ghan sheherni qamal qilish tedbirliridin kéyin wuxendin zor sandiki xitaylarning herqaysi jaylargha tarqilishi tüpeylidin nurghun xitay sheherliride yenila qorqunch sewebidin kélip chiqqan chölderesh menzirisi dawam qilmaqta iken.

Toluq bet