Uyghur diyaridiki yuqum ehwali dawamliq örlimekte

Muxbirimiz eziz
2022.04.19
Share on WhatsApp
Share on WhatsApp

Uyghur diyarida yéqindin buyan köplep melum boluwatqan tajsiman wirus gerche qattiq ijra boluwatqan “Wirus yuqumini nölge chüshürüsh” tedbirlirining mewjut boluwatqanliqigha qarimay dawamliq halda köpeymektiken.

Xitay hökümiti bashqurushidiki “Shinjang sehiye tori” ning 18-apréldiki xewiride éytilishiche, nöwette shixu shehiride yéngidin bir alametsiz yuqumdar bayqalghan. Ürümchi shehiride bayqalghan üch neper alametsiz bimar ayrip tekshürüshni qobul qilghan. Emma hazirghiche yéngidin yuqumlan'ghuchi bayqalmighan. Hazirghiche melum bolghanlarmu pütünley alametsiz yuqumdarlar bolup, asasen ürümchi, sanji, shixu qatarliq jaylarda iken.

Halbuki xitay hökümiti hazirgha qeder wirus yuqumigha da'ir uchurlargha “Dölet mexpiyiti” qatarida mu'amile qiliwatqan bolghachqa, bu heqtiki heqiqiy ehwalning zadi qandaq ikenliki namelum bolup kelmekte. Emma shangxey qatarliq sheherlerdiki qamal tedbirliri heqqide ijtima'iy taratqularda tarqilip yürgen uchurlar bu xil qamal tedbirlirining alliqachan bezi jaylarda ölüm weqelirige seweb boluwatqanliqini körsitiwatqan bolup, beziler mushuninggha qarap Uyghur diyaridiki namelum halda turuwatqan qamal chariliriningmu éghir selbiy aqiwetlerni peyda qiliwatqanliqini algha sürmekte i‍ken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.