Uyghur élida 20-april yene bir alametsiz yuqumdar bayqalghan

Muxbirimiz irade
2022.04.21
Share on WhatsApp
Share on WhatsApp

Uyghur diyarida “Wirus yuqumini nölge chüshürüsh” tedbirliri jiddiy ijra qiliniwatqan bolsimu, emma wirus yuqumi yenila mewjut iken.

Xitay hökümitining bashqurushidiki “Shinjang sehiye tori” ning 21-apréldiki xewiride éytilishiche, 4-ayning 20-küni sa'et 0 din 24 kiche bolghan ariliqta, Uyghur éli (shinjang ishlepchiqirish-qurulush bingtu'enini öz ichige alidu) da yéngidin bir neper alametsiz yuqumdar köpeygen bolup, u bingtu'en 5-diwiziyesige qarashliq shu'angxé shehiride iken. Sanji shehiridiki késellik alamiti körülmigen 1 yuqumdar bolsa karantindin chiqirilghan.

Shundaq bolghanda, 4-ayning 20-küni sa'et 24 kiche, Uyghur élidiki alametsiz yuqumlan'ghuchilarning sani jem'iy 13 neper bolup, buning 3 nepiri ürümchi shehiride, 2 nepiri xoshut nahiyeside, 4 nepiri shixo shehiride, 4 nepiri bingtu'en 5-diwiziyesining shu'angxé shehiride iken.

Xitay hökümiti hazirgha qeder wirus yuqumigha da'ir uchurlargha “Dölet mexpiyiti” qatarida mu'amile qiliwatqan bolghachqa, bu heqtiki heqiqiy ehwalning zadi qandaq ikenliki namelum bolup kelmekte.

Melum bolushiche, xitay ölkiliride intayin qattiq qolluq bilen ijra qiliniwatqan qamal tedbirliri xitay iqtisadigha nahayiti chong ziyan sélishni dawamlashturmaqtiken.

“Blumbérg tori” ning xewer qilishiche, xitay dölet re'isi shi jinping “Asiya bo'aw munbiri” ning échilish murasimida nutuq sözlewatqan minutlarda, yeni 21-april küni xitayning xelq'ara pay baziridiki körsetküchi 1.8 Pirsent töwenligen. Bu xitayning pay bazirida 5 kün boyiche izchil ziyan tartishi bolup hésablinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.