Үрүмчидики юқум әһвали йеңи гуманларни пәйда қилмақта

Мухбиримиз әзиз
2022.04.27
Share on WhatsApp
Share on WhatsApp

Йеқиндин буян хитайда йеңиваштин ямраватқан таҗисиман вирусиниң вәһимиси дуняниң диққитини қозғаватқанда, ‍уйғур диярида қисмән вирус юқумдарлириниң байқилиши бу һәқтә техиму көп гуманларға сәвәб болмақта.

Хитай һөкүмитиниң башқуришидики шинхуа агентлиқиниң 27-апрелдики хәвиридә ейтилишичә, үрүмчиниң мидоң районида аламәтсиз вирус юқумдаридин икки киши байқалған. Хәвәрдә уларниң әр-аял икәнлики һәмдә һазир мәхсус дохтурханида айрип тәкшүрүшни қобул қиливатқанлиқи ейтилған.

Хитай һөкүмити һазирға қәдәр вирус юқуми һәққидики учурларни “дөләтниң мәхпийити” қатарида бир яқлиқ қиливатқанлиқи ‍үчүн, хитайдики вирус юқуминиң зади қайси дәриҗидә икәнлики һазирғичә сир болуп кәлмәктә. Һалбуки, иҗтимаий таратқулардики учурлар хитайниң бейҗиң вә шаңхәй қатарлиқ чоң шәһәрлиридә қаттиқ қамал сәвәбидин көплигән өлүм-йитим вәқәлириниң көрүлгәнликини көрсәтмәктә. Бәзи көзәткүчиләр мушу әһвалға қарап, уйғур дияридики вирусқа қарши туруш вә қамал қилиш тәдбирлири түпәйлидин келип чиққан еғир ақивәтләрниң хитайниң ичкий өлкилиригә, болупму вирус юқуми еғир болған шаңхәй қатарлиқ җайларға охшашла еғир икәнликини илгири сүрмәктә.

Мәлум болушичә, үрүмчидики лагер системисиниң әң чоң гәвдилиридин бири дәл мушу мидоң районида болуп, лагерлардики тутқунларниң юқум әһвали һәққидә һечқандақ мәлумат мәлум әмәс икән.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.