Ürümchidiki yuqum ehwali yéngi gumanlarni peyda qilmaqta
2022.04.27
Yéqindin buyan xitayda yéngiwashtin yamrawatqan tajisiman wirusining wehimisi dunyaning diqqitini qozghawatqanda, uyghur diyarida qismen wirus yuqumdarlirining bayqilishi bu heqte téximu köp gumanlargha seweb bolmaqta.
Xitay hökümitining bashqurishidiki shinxu'a agéntliqining 27-apréldiki xewiride éytilishiche, ürümchining midong rayonida alametsiz wirus yuqumdaridin ikki kishi bayqalghan. Xewerde ularning er-ayal ikenliki hemde hazir mexsus doxturxanida ayrip tekshürüshni qobul qiliwatqanliqi éytilghan.
Xitay hökümiti hazirgha qeder wirus yuqumi heqqidiki uchurlarni “Döletning mexpiyiti” qatarida bir yaqliq qiliwatqanliqi üchün, xitaydiki wirus yuqumining zadi qaysi derijide ikenliki hazirghiche sir bolup kelmekte. Halbuki, ijtima'iy taratqulardiki uchurlar xitayning béyjing we shangxey qatarliq chong sheherliride qattiq qamal sewebidin köpligen ölüm-yitim weqelirining körülgenlikini körsetmekte. Bezi közetküchiler mushu ehwalgha qarap, Uyghur diyaridiki wirusqa qarshi turush we qamal qilish tedbirliri tüpeylidin kélip chiqqan éghir aqiwetlerning xitayning ichkiy ölkilirige, bolupmu wirus yuqumi éghir bolghan shangxey qatarliq jaylargha oxshashla éghir ikenlikini ilgiri sürmekte.
Melum bolushiche, ürümchidiki lagér sistémisining eng chong gewdiliridin biri del mushu midong rayonida bolup, lagérlardiki tutqunlarning yuqum ehwali heqqide héchqandaq melumat melum emes iken.
Köp körülgen xewerler
RFA
- 3 Chong teshkilat birlikte “Xelq'ara Uyghur munbiri” namida yighin chaqiridighanliqini élan qildi
- Türkiyede oqughan sübhi tursunning ürümchi ghalibiyet saqchixanisi teripidin tutulghanliqi delillendi
- Örkesh dölet: nensiy pélosi xanim Uyghurlarning yéqin dosti
- Ürümchide échilghan “Muhajirlar yighini” we xitayning chet ellerdiki Uyghurlargha qaratqan siyasitining ich yüzi
- Yapon parlamént ezaliri: “Uyghurlarni qoghdash yaponiyeni qoghdashtur”