Ürümchide korona wirusi bilen yuqumlan'ghan ikki neper alametsiz yuqumdar köpeygen

Muxbirimiz irade
2022.04.28
Share on WhatsApp
Share on WhatsApp

Uyghur diyarida “Wirus yuqumini nölge chüshürüsh” tedbirliri jiddiy ijra qiliniwatqan bolsimu, emma wirus yuqumi yenila mewjut iken.

Xitay hökümitining bashqurushidiki “Shinjang sehiye tori” ning 28-apréldiki xewiride éytilishiche, 4-ayning 27-küni sa'et 0 din 24 kéche bolghan ariliqta, Uyghur éli (shinjang ishlepchiqirish-qurulush bingtu'enini öz ichige alidu) da yéngidin 2 neper alametsiz yuqumdar köpeygen bolup, ularning her ikkilisi ürümchining midung rayonida iken.

Shundaq bolghanda, 4-ayning 27-küni sa'et 24 kéche, Uyghur élida késellik qozghalghan bimar yoq bolush bilen birge, alametsiz yuqumlan'ghuchi sani jem'iy ikki neper dep körsitilgen.

Xitay hökümiti hazirgha qeder wirus yuqumigha da'ir uchurlargha “Dölet mexpiyiti” qatarida mu'amile qiliwatqan bolghachqa, bu heqtiki heqiqiy ehwalning zadi qandaq ikenliki namelum bolup kelmekte.

Nöwette xitayning shangxey shehiride qamal yenila intayin qattiq ijra qiliniwatqan bolup, qamalning yolgha qoyulushigha a'it otturigha chiqiwatqan sintliq körünüshler ijtima'iy taratqularda keng tarqalmaqta.

Amérikaning “NBC NEWS” torining xewer qilishiche, yéqinda xitay da'iriliri béyjingdimu 140 neper yuqumlan'ghuchi bayqalghanliqini élan qilghan. Shuning bilen birge, béyjing da'irilirining béyjingdiki 20 milyon'gha yéqin ademni wirus tekshürüshi qilishqa buyrushi bolsa ahalilerni qattiq sarasimige salghan bolup, özlirining shangxeydikidek uzun muddet qamal astida qélishtin ensirigen ahaliler yémek-ichmek dukanlirigha aqqaniken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.