3-Awghust küni ili oblastida 25 kishi wirus bilen yuqumlan'ghan

Muxbirimiz irade
2022.08.04
Share on WhatsApp
Share on WhatsApp

Xitayning “Shinjang géziti” qatarliq hökümet taratqulirining 4-awghust küni tarqatqan xewirige qarighanda, 3-awghust sa'et 24:00 kiche bolghan ariliqta ili oblastida késellik alamiti yoq yéngi yuqumdardin 25 adem köpeygen؛ yuqumlan'ghuchilar ghulja shehiridin 17 neper, ghulja nahiyesidin 5 neper, nilqa nahiyesidin 3 neper iken.

Xewerde bu kishilerning belgilen'gen dawalash orunlirigha yötkelgenliki, nöwette ili oblastida barliq kishiler üchün beshinchi basquchluq wirus siniqi tekshürüshi bashlan'ghanliqi ilgiri sürülgen.

Buningdin sirt, Covid-19 wirusi yene Uyghur élida turushluq ishlepchiqirish-qurulush bingtu'endimu tarqiliwatqan bolup, xewerlerde 3-awghust 24:00 kiche bolghan ariliqta bingtu'en tötinchi diwiziyesining 64-polkida 18 alametsiz yuqumlan'ghuchi bayqalghanliqi, bu diwiziyening “5-Xeterlik rayon” qilip békitilgenliki xewer qilin'ghan.

Xitay hökümiti “Yuqumni nölge chüshürüsh” siyasitini qattiq ijra qilish bilen birge, bu heqtiki emeliy uchurlarnimu qamal qilip kelgenliktin, meyli xitayning ichkiri ölkiliride bolsun yaki Uyghur rayonida bolsun, yuqumning zadi qaysi derijide ikenliki dawamliq sir bolup kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.