Ғулҗада кесәллик аламити йоқ юқумдардин 27 адәм көпәйгән

Мухбиримиз җәвлан
2022.08.05
Share on WhatsApp
Share on WhatsApp

“шинҗаң гезити” ниң 5-авғуст күнидики хәвиригә қариғанда, уйғур аптоном районида 5-авғуст күни киргичә болған 24 саәт ичидә кесәллик аламити йоқ йеңи юқумдардин 27 адәм көпәйгән; буниң ичидә ғулҗа шәһиридин 21, ғулҗа наһийәсидин 4, нилқа наһийәсидин 4, чөчәк шәһиридин 1 адәм бар икән.

4-Авғуст күнигичә байқалған юқумдарларниң омуми сани 111 нәпәр болуп, ғулҗа шәһиридә 84, ғулҗа наһийәсидә 22, нилқа наһийәсидә 4, чөчәк шәһиридә 1 адәм кесәллик аламити йоқ таҗиисман вирус билән юқумланған. Һалбуки, хитай һөкүмити биңтуән 4-девизийәсидә тәкшүрүп байқалған 18 юқумдарни айрим һесаблиған болуп, буни қошқанда җәмий юқумдар сани 129 ға йәткән.

Хитай һөкүмити ичкири хитайда “юқумни нөлгә чүшүрүш” сияситини қаттиқ иҗра қилип, кесәлниң ямришини тизгинләш үчүн у җайларни қамал қилип, пуқраларниң турмушини қийинлаштурған, һәтта ачарчилиқ вә өлүмгә йол ачқаниди. Хитай һөкүмити юқумниң һәқиқий әһвали тоғрилиқ учурларни қамал қиливалғанлиқи үчүн ваба тарқалған җайдики хәлқниң қандақ яшаватқанлиқи техи намәлум.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.