Ghuljada késellik alamiti yoq yuqumdardin 27 adem köpeygen

Muxbirimiz jewlan
2022.08.05
Share on WhatsApp
Share on WhatsApp

“Shinjang géziti” ning 5-awghust künidiki xewirige qarighanda, Uyghur aptonom rayonida 5-awghust küni kirgiche bolghan 24 sa'et ichide késellik alamiti yoq yéngi yuqumdardin 27 adem köpeygen؛ buning ichide ghulja shehiridin 21, ghulja nahiyesidin 4, nilqa nahiyesidin 4, chöchek shehiridin 1 adem bar iken.

4-Awghust künigiche bayqalghan yuqumdarlarning omumi sani 111 neper bolup, ghulja shehiride 84, ghulja nahiyeside 22, nilqa nahiyeside 4, chöchek shehiride 1 adem késellik alamiti yoq taji'isman wirus bilen yuqumlan'ghan. Halbuki, xitay hökümiti bingtu'en 4-déwiziyeside tekshürüp bayqalghan 18 yuqumdarni ayrim hésablighan bolup, buni qoshqanda jem'iy yuqumdar sani 129 gha yetken.

Xitay hökümiti ichkiri xitayda “Yuqumni nölge chüshürüsh” siyasitini qattiq ijra qilip, késelning yamrishini tizginlesh üchün u jaylarni qamal qilip, puqralarning turmushini qiyinlashturghan, hetta acharchiliq we ölümge yol achqanidi. Xitay hökümiti yuqumning heqiqiy ehwali toghriliq uchurlarni qamal qiliwalghanliqi üchün waba tarqalghan jaydiki xelqning qandaq yashawatqanliqi téxi namelum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.