9-Авғуст уйғур районида йеңидин корона вируси билән юқумланған 21 нәпәр юқумдар байқалған

Мухбиримиз җәвлан
2020-08-10
Елхәт
Пикир
Share
Принт

Өткән айдин башлап уйғур районида корона вируси қайта ямриған болуп, үрүмчи шәһиридики юқумлиниш әһвали вә шәһәрни қамал қилиш вәзийитиниң һәммидин еғир икәнлики мәлум болғаниди.

«Хитай хәвәрлири» ториниң 10-авғуст тарқатқан хәвиригә қариғанда, 9-авғустқичә уйғур районида йеңидин көпәйгән юқумдар 21 гә йәткән, буниң ичидә ениқ диягнуз қоюлғини 14 нәпәр, кесәллик аламити көрүлмигини 7 нәпәр икән; йеңидин сақийип дохтурханидиған чиққанлар 47 нәпәр, кесәллик аламити көрүлмигән һәмдә кесәллик аламитини көзитиш бикар қилинғанлар 7 нәпәр, еғир кесәлдин адәттики кесәлгә өзгәргәнләр 2 нәпәр болуп, буларниң һәммиси үрүмчи шәһиридин икән.

9-Авғустқичә уйғур районида (биңтуәнниму өз ичигә алиду) юқумдар дәп бекитилгәнләр 592 нәпәр (хәтәрлик болғанлири 13 нәпәр, еғир болғанлири 22 нәпәр) болуп, буниң ичидә үрүмчидин 589 нәпәр, қәшқәрдин 1 нәпәр, санҗидин 1 нәпәр юқумдар бар икән. Кесәллик аламити йоқ юқумдар 123 нәпәр болуп, буниң ичидә үрүмчидин 122 нәпәр, санҗидин 1 нәпәр юқумдар бар икән. Һазир 16 миң 947 нәпәр адәм дохтурханида көзитиш астида икән.

15-Июлдин 9-авғустқичә сақийип чиққанлар 185 нәпәр болуп, кесәллик аламити йоқап, көзитиш бикар қилинғанлар 78 нәпәр икән.

Пикирләр (0)
Share
Толуқ бәт