Уйғур елидә дүшәнбә күни корона вирусида юқумланғанлар 296 гә йәткән

Мухбиримиз әркин
2020-11-02
Share

24-Өктәбир қәшқәр вилайитиниң кона шәһәр наһийәси зәмин йезисиниң 3-кентидики 17 яшлиқ бир қизда байқалған корона вирусида юқумланғанлар, 1-ноябир күни 296 гә йетип барған. Америкадики «кабеллиқ хәвәрләр тори» CNNниң билдүрүшичә, районда партлиған корона вирус бу йил яз айлиридин бери хитайда йүз бәргән әң чоң юқум вәқәси болуп, хитайниң қаттиқ контроллуқи астидики бу районда 1-ноябир күни йәнә 13 нәпәр йеңи юқумдар байқалған. Қәшқәрниң зәмин йезисидики бир кийим-кечәк карханисиниң ишчисида байқалған юқум көзәткүчиләрдә вирус әмгәк лагерлириға тарқалдиму?дегән соал пәйда қилғаниди.

CNN Ниң «хәлқ гезити» ниң хәвирини нәқил кәлтүрүшичә, йәрлик даириләр 1-ноябир күни ахбарат йиғини өткүзүп, йеңи байқалған юқумдарларниң һәммисиниң кона шәһәр наһийәсидики карантин астидики кишиләр ичидин байқалғанлиқи вә һәммисидә кесәллик аламити йоқлиқини билдүргән. Буниң билән уйғур елидә рәсмий юқумдарлар 59 ға, кесәллик аламити йоқ юқумдарлар 236 гә йетип барған. Нөвәттә кесәллик аламити йоқ бир қисим юқумдарлар қизилсу областиниң ақту наһийәсидиму байқалған.

Хитай сәһийә даирилириниң билдүрүшичә, йәрлик даириләр 1-ноябирдин башлап қәшқәр шәһиридә 3-қетимлиқ ядро кислатаси арқилиқ тәкшүрүшни башлиған болуп, 2-ноябир күни 778 миң кишини тәкшүрүп болған. Даириләр техи өткән һәптидә 2-қетимлиқ ядро кислатаси билән тәкшүрүши елип барғаниди. Нөвәттә, вирусниң зәмин йезисиниң 3-кәнтидики 17 яшлиқ ишчи қизға қәйәрдин юққанлиқи мәлум әмәс. Даириләр учурни қаттиқ контрол қилип, юқум мәнбәси вә юқумдар қизниң һазирқи әһвали һәққидә һечқандақ учур берип бақмиди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт