Қәшқәрдә вирусниң түгигәнлики көплигән гуманларни қозғимақта

Мухбиримиз әзиз
2020-11-10
Share

Хитай һөкүмитиниң қәшқәр конишәһәр наһийәсини мәркәз қилған даиридики таҗсиман вируси юқуми һәққидә «һечқандақ йеңи бимар байқалмиди» дәп хәвәр бериши көплигән гуманларни қозғимақта. Буниңда бири хитай һөкүмитиниң изчил вирус юқуми һәққидә ялған мәлумат берип кәлгәнлики муһим сәвәб болған болса, йәнә бири шу җайдики қамалниң техиму кәң даиригә кеңәйгәнлики бу хәвәрниң чинлиқиға шүбһә пәйда қилишқа башлиди.

Бу қетимқи вирус юқуминиң иккиләмчи тәсири һәққидә «җәнубий хитай сәһәр гезити» ниң 10-ноябирдики мақалисидә ейтилиишчә, хитай теббий алимлири вирус юқумдарлири арисидики балиларниң үчийидә бу вирусниң тездин көпийидиғанлиқини, бу һалниң аллиқачан сақийип болған балилардиму көрүлидиғанлиқини байқиған. Қәшқәрдики вирус юқумдарлириниң арисида бу һалниң қандақ икәнлики тоғрисида һазирчә һечқандақ мәлумат йоқ икән.

«Әл җәзирә» телевизийәсиниң 10-ноябирдики хәвиридә ейтилишичә, биразилийә һөкүмити бүгүн хитайдин таҗсиман вируси ваксиниси импорт қилиш һәққидики тохтамни вақтинчә бикар қилған. Хәвәрдә мәзкур ваксина синиқи җәрянида бир кишиниң өлүп қалғанлиқи алаһидә тәкитләнгән. Мәлум болушичә, хитай һөкүмитиниң ваксиниси америкадики «файзир» ширкитиниң үнүм бериш нисбити 90 пирсәнттин ашидиған ваксина ясап чиққанлиқи һәққидики хәвәр билән тәңла базарға чиққан. Нөвәттә биразилийә һөкүмити ‍өзлириниң һазирчә хитайдин зор миқдарда ваксина импорт қилмайдиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт