Qeshqerde wirusning tügigenliki köpligen gumanlarni qozghimaqta

Muxbirimiz eziz
2020-11-10
Share

Xitay hökümitining qeshqer konisheher nahiyesini merkez qilghan da'iridiki tajsiman wirusi yuqumi heqqide "Héchqandaq yéngi bimar bayqalmidi" dep xewer bérishi köpligen gumanlarni qozghimaqta. Buningda biri xitay hökümitining izchil wirus yuqumi heqqide yalghan melumat bérip kelgenliki muhim seweb bolghan bolsa, yene biri shu jaydiki qamalning téximu keng da'irige kéngeygenliki bu xewerning chinliqigha shübhe peyda qilishqa bashlidi.

Bu qétimqi wirus yuqumining ikkilemchi tesiri heqqide "Jenubiy xitay seher géziti" ning 10-noyabirdiki maqaliside éytili'ishche, xitay tébbiy alimliri wirus yuqumdarliri arisidiki balilarning üchiyide bu wirusning tézdin köpiyidighanliqini, bu halning alliqachan saqiyip bolghan balilardimu körülidighanliqini bayqighan. Qeshqerdiki wirus yuqumdarlirining arisida bu halning qandaq ikenliki toghrisida hazirche héchqandaq melumat yoq iken.

"El jezire" téléwiziyesining 10-noyabirdiki xewiride éytilishiche, biraziliye hökümiti bügün xitaydin tajsiman wirusi waksinisi import qilish heqqidiki toxtamni waqtinche bikar qilghan. Xewerde mezkur waksina siniqi jeryanida bir kishining ölüp qalghanliqi alahide tekitlen'gen. Melum bolushiche, xitay hökümitining waksinisi amérikadiki "Fayzir" shirkitining ünüm bérish nisbiti 90 pirsenttin ashidighan waksina yasap chiqqanliqi heqqidiki xewer bilen tengla bazargha chiqqan. Nöwette biraziliye hökümiti ‍özlirining hazirche xitaydin zor miqdarda waksina import qilmaydighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet