Qeshqer konasheher nahiyesi'ining korona wirusidiki xewplik derijisi töwenlitilgen

Muxbirimiz nur'iman
2020-11-18
Share

Xitay xewer agéntliqining 17-noyabir bergen xewirige qarighanda, qeshqer wilayetlik korona wirusi yuqumini kontrol qilish qomandanliq shtabi qeshqer konasheher nahiyesidiki bir qisim yéza-bazarlarning xewplik derijisini tengshesh toghrisida uqturush chiqarghan.

18-Noyabir sa'et nöldin bashlap zemin yézisi we saybagh yézisining xewplik derijisi yuqiri derijidin töwen derijige, bulaqsu yézisining xewplik derijisi ottura derijidin töwen derijige chüshürülgen.

Qeshqer wilayetlik korona wirusi yuqumini kontrol qilish qomandanliq shtabi 15-noyabir qeshqer konasheher nahiyesining lengger baziri, opal baziri, tashmiliq yézisi we térim yézilirini yuqum xewpi "Töwen rayonlar" dep élan qilghan idi.

Bu yil 24-öktebirde qeshqer konasheher nahiyesi zemin yézisining 3-kentidiki bir xitay karxanisida ishleydighan 17 yashliq qizning korona wirusi bilen yuqumlan'ghanliqi élan qilin'ghandin buyan, xitay da'iriliri qeshqer wilayitini pütünley qamal qilghan idi.

Közetküchiler "Yuqum lagérlargha qamalghan milyonlighan kishiler arisigha, mejburiy emgek lagérlirigha tarqalghan bolushi mumkin," dégen gumanda bolushqan. Biraq xitay hökümiti hazirghiche uchurni qattiq kontrol qilip, lagérlardiki tutqunlarning yuqum ehwali heqqide héchqandaq uchur bérip baqmidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet