Хитай уйғур ели билән тибәттә 30 һәрбий вә аммивий айродром қурмақтикән

Мухбиримиз әркин
2021-09-13
Share

Хитай таратқулириниң ашкарлишичә, хитай даирилири уйғур ели билән тибәттә 30 һәрбий вә аммивий айродром қурмақта икән. Бу һәқтики хәвәрләрдә, хитайниң айродром қурулуши арқилиқ һәрбий вә пуқравий һава қатнаш ул әслиһәлирини күчәйтмәкчи икәнлики тәкитләнгән. Хитай таратқулириниң ейтишичә, бу айродромларниң бир қисми қурулуп болған, бир қисми қулуруш басқучида икән. Хәвәрдә бу айродромларниң қайсий җайларға қурулғанлиқи яки қуруливатқанлиқи ейтилмиған болсиму, лекин униң һиндистанға чеградаш чәт районларниң пуқрави вә һәрбий ул әслиһәрлирини күчүйтидиғанлиқи тәкитләнгән.

Көзәткүчиләрниң ейтишичә, бу айродромларниң көп қисми уйғур елида қурулған яки қурулмақта икән. Хитай һөкүмити 2017-йилидин башлап уйғурларни кәң көләмдә лагерларға қамаш, мәҗурий әмгәк күчи сүпитидә башқа районларға йөткәш билән бир вақитта, районниң һава қатнаш ул әслһәлириниму күчәйткән. Йеқинда радийомиз хитайниң йеқинқи мәзгилдә уйғур елида ташқорған айродромини өз ичигә алған 20 дәк айродром қурған яки қуруватқанлиқини хәвәр қилған иди.

"һиндистан вақти" гезитиниң ейтишичә, хитайниң "төмүр йол, ташйол вә айродром ул әслиһәлирини кәң көләмдә тәрәққий қилдуруши хитай армийәсиниң әскәр, лавазимәт, вә қорал-ярақларни чегра районларға тез сүрәттә йөткәш иқтидарини зор дәриҗидә өстүридикән."

"һиндистан вақти" ниң хәвиридә, хитайниң бу йил әскәр тошуш үчүн тибәт билән уйғур елиға 23 һәрбий трасипорт линийәси ачқанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт