Uyghur diyarining jenubiy qismida xitay medeniyitini teshwiq qilish ewj almaqta

Muxbirimiz sada
2019-01-02
Élxet
Pikir
Share
Print

Xitay hökümiti Uyghurlarning milliy til-yéziqini, kimlikini we medeniyitini pütünley cheklewatqan bir peytte, xitay hökümitining her derijilik medeniyet organliri Uyghur diyarining Uyghurlar merkezlik olturaqlashqan jenubiy rayonlirida milliy assimilyatsiye herikitini tézleshtürüwatqanliqini melum bolmaqta.

"Shinjang xewerliri" torning 29-dékabirdiki xewirige qarighanda, "Shinjangda ottura tüzlenglik medeniyitini ilgiri sürüsh jem'iyiti" jyangshi xettatlar jem'iyiti bilen hemkarliship, Uyghur diyarining atush shehiride xitay en'eniwi hösnxétini öginish arqiliq xitay medeniyitini ilgiri sürüsh pa'aliyiti teshkilligen.

Xewerde mezkur jem'iyetning bir mes'ul xadimining sözi neqil keltürülüp, rayonda bundaq pa'aliyetlerning élip bérilishi yerlik xelqlerge xitay medeniyitini tarqitip, herqaysi milletlerni "Anarning danisidek" zich uyushturup, atalmish "Milletler ittipaqliqi" ni ilgiri sürgili bolidighanliqi ilgiri sürülgen.

U xadim sözide yene bu pa'aliyetning asasliq meqsiti xitay medeniyitini teshwiq qilish ikenliki, buningdin kéyin bu xildiki medeniyet tarqitishning Uyghur diyarining her bir bulung-puchqaqlirighiche toluq kéngiyidighanliqini alahide eskertip ötken.

Aldinqi aylarda xitay hökümiti qeshqer uniwérsitétida xitay medeniyitini terghib qilidighan "Küntyen instituti" ni qurghan idi.

Közetküchiler xitayning rayonda bundaq pa'aliyetlerni élip bérishi Uyghur diyaridiki assimilyatsiyeni yenimu yuqiri bir pellige kötürüp, yerlik milliy medeniyetni yoqitishni meqset qiliwatqanliqini ilgiri sürmekte.

Toluq bet