Хитай уйғур елида кишиләрниң һессиятини көзитидиған камераларни синақ қилмақтикән

Мухбиримиз ирадә
2019.11.07

Хитай һөкүмити уйғур елида кишиләрниң һессиятини көзитиш арқилиқ уларниң һәрикитини мөлчәрләйдиған камераларни синақ қилишни башлиған.

“техника хәәрлири” тор гезитиниң 5-ноябир күни тарқатқан хәвиригә қариғанда, бу камералар кишиләрниң чирайини сиканерлаш арқилиқ уларниң чирай ипадилирини “оқуйдикән” вә уларниң роһий кәйпиятини анализ қилиш арқилиқ җинайәт гумандарлирини бәлгиләп чиқидикән. 

Уйғур елидики сақчи даирилиригә мунасивәтлик ли шявйү исимлик бир тәтқиқатчи бу гезиткә қилған сөзидә “өзлириниң бу техника арқилиқ терорлуқ вә әткәсчилик қатарлиқ қанунсиз қилмишларниң алдини алидиғанлиқини” билдүргән.

Мәлум болушичә, уйғур ели хитай һөкүмитиниң юқири техникилиқ назарәт систимилирини синақ қилидиған базисиға айландурулмақта.

Америкадики кишилик һоқуқни көзитиш тәшкилати уйғур елида қоллиниливатқан юқири техникилиқ назарәт системиси һәққидә елан қилған бир парчә доклатида уйғур елидики “чоң учур амбири” системисиниң әмәлийәттә “кашила пәйда қилиш еһтималлиқи болғанлар” ға зәрбә бериш иқтидариға игә икәнликини агаһландурған. Улар даириләрниң һазир уйғур елидики бастуруш сияситини йәниму кеңәйтип, “кашила пәйда қилғанлар” ни җазалаштин һалқип “кашила пәйда қилиш еһтимали бар” ларниму җазалаш дәвригә өткәнликини, җүмлидин хитай һөкүмити уйғур елида садақитидин гуман қилған һәр қандақ кишини “қайта тәрбийә лагерлири” ға әвәтишкә тәйярлиниватқанлиқини әскәрткән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.