«Қош тил» мәктәплиридә хитай хәттатлиқи омумлаштурулушқа башлиған

Мухбиримиз җүмә
2017-10-07
Елхәт
Пикир
Share
Принт

Даириләр уйғур районидики аталмиш «қош тил» мәктәплиридә хитайниң хәттатлиқ вә бир җүп бамбук тахтиси билән ейтилидиған «куәйбәр қошиқи» мәдәнийитини омумлаштурушқа башлиған.

Шинху агентлиқиниң бу һәқтики хәвиригә қариғанда, даириләр буни уйғур оқуғучиларниң «хитай ортақ тилини тиз һәм тоғра игилишигә түрткә болиду» дәп тонуштурған.

Хәвәрдә көрситилишичә, бу хил өзгиришләр башланғуч мәктәпләрдила әмәс, бәлки йәслидин тартип, толуқ ортиғичә болған барлиқ «қош тил» мәктәплиридә ортақ йолға йолға қоюлидикән.

Хәвәрдә қәшқәр йеңишәһәр наһийисидики бир қош тил мәктипини мисал қилип көрситишичә, бу мәктәпкә хитай хәттатлиқи өтилидиған мәхсус бир синип тәсиси қилинған болуп, синип хитай хәттатлиқи өрнәклири вә хитай мәдәнийитигә аит буюмлар билән безәлгән икән.

Һалбуки хәвәрдә бу хилдики синипларниң башқа «қош тил» мәктәплиридә тәсис қилинған яки қилинмиғанлиқи ениқ көрситилмигән.

Хәвәргә қариғанда, бу йил сентәбиргичә уйғур елиниң һәр қайси җайлиридики «қош тил» йәслилиридә оқуватқан оқуғучи сани 1 милйон 760миңдин ашқан. Уйғур елиниң йеза-қишлақлиридики қош тил йәслилириниң омумлишиш нисбити 100 пирсәнткә йәткүзүлгән. 

Хитай даирилири бу йил сентәбирдики оқуш мәвсумидин башлап уйғур елидә барлиқ дәрсләрниң хитай тилида оқутулидиғанлиқи, уйғур тилиниң әмәлдин қалдурулғанлиқини билдүргән.

Бәзи хәвәрләрдә аталмиш «қош тил» мәктәплиридики уйғур мәдәнийитигә аит барлиқ буюм вә символлуқ характеригә игә нәрсә-керәкләрниң елип ташланғанлиқи илгири сүрүлгән иди.

Пикирләр (0)
Share
Толуқ бәт