Uyghur élida ösmür balilarning zeherlik chékimlikke adetlinish mesilisi éghirlashmaqta

Muxbirimiz irade
2017-08-24
Élxet
Pikir
Share
Print

Shinxu'a agéntliqi in'glizche tarqatqan bir xewerdin, Uyghur élida yash ösmür balilarning zeher chékimlik chékish mesilisining éghirliqi melum bolmaqta.

Bu heqtiki xewerde Uyghur rayonluq zeherlik chékimlikke qarshi turush komitétining mu'awin bashliqi ju changjé ziyaret qilin'ghan bolup, u sözide Uyghur élida yéqinqi yillardin buyan yash ösmürlerning zeherlik chékimlik chékish, sétish hadisilirining keng omumlashqanliqini éytip "Biz buning aldini élish we uni kontrol qilishta zor qiyinchiliqlargha duch kéliwatimiz" dégen. Emma xewerde buninggha a'it sanliq melumat bérilmigen.

Mezkur xewer chet'ellerdiki Uyghur közetküchilerning diqqitini qozghidi. Ular, xitay hökümitining Uyghur élida "Polattin tam yasap, asman'ghiche tor sélish" dégen sho'ari boyiche barliq téxnika we adem küchini atalmish "Muqimliq" ni qoghdashqa serp qiliwatqanliqini eskertti.

Biraq, yuqiridiki emeldar yashlar arisida zeherning yamrash mesilisining sewebini körsetkende, buni Uyghur élining "Altun üch burjek" rayonigha yéqin bolushi we xelq'ara jem'iyetning tesirige uchrishi bilen munasiwetlik, dégen.

Toluq bet