Uyghur rayonida ghayet zor miqdarda xam néfit zapisi bayqalghan

Muxbirimiz jüme
2017-12-02
Share

Uyghur diyarida pilansiz kéngeytiliwatqan énérgiye qurulushining rayon ékologiyisige éghir talapetlerni keltürgenliki ilgiri sürülgen mezgilde Uyghur rayonida yene ghayet zor miqdarda xam néfit zapisi bayqalghan.

Bu néfit zapisi jungghar oymanliqining maxu rayonida bayqalghan bolup, néfit zapisi 1 milyard tonnidin ashidiken. 

Shinxu'a axbaratining xewer qilishiche, mezkur rayondin deslepte 520 milyon tonna néfit zapisi éniq delillen'gen bolsun, bu yerde yene 1 milyard 240 milyon tonna néfit zapisi bar bolushi mumkin iken. 

Melum bolushiche, ötken ikki yildin buyan bu rayon yiligha 1 milyon 380 ming tonna xam néfit ishlep chiqirishqa bashlighan.

Xitay da'iriliri yéqini bir nechche yildin buyan Uyghur élidiki xam néfit ishlep chiqirish miqdarini 100 milyon tonnidin ashurghanliqini dawrang salghan. 

Halbuki rayondin igiligen melumatlirimizgha Uyghur élide xam néfitning künsanap köp qézilishi rayon ékologiyisige éghir eks tesir körsetken. 

Turpandin ziyaritimizni qobul qilghan bir saqchi xadimi, rayonda qalaymiqan néfit qézish karizlarning qurup kétishni keltürüp chiqarghanliqini bildürgen.

Bu heqte élan qilin'ghan bezi ilmiy maqalilerdimu néfit qézishning ékologiyilik muhitqa weyran qilish xaraktérlik ziyan sélipla qalmay, yer asti su menbesinimu bulghash éhtimalliqi barliqi ilgiri sürülgen idi.

Halbuki, xitay da'irilirining Uyghur élide néfit qézishta bu xil éhtimalliqini nezerge alghan yaki almighanliqi hazirche namelum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet