Xitay hökümiti Uyghur diyarida "Ishqa orunlashturush boyiche terbiyelesh" türige zor sommida meblegh salghan

Muxbirimiz sada
2019-06-28
Share

Nöwette Uyghur diyarida ikki milyondek Uyghur we bashqa yerlik xelqlerning jaza lagérigha solan'ghanliqi ilgiri sürülüwatqan mezgilde xitay hökümiti Uyghur diyarida aldinqi yérim yilliq "Ishqa orunlashturush boyiche terbiyelesh" türige ikki milyard 440 milyon yüen meblegh salghan.

28-Iyun "Tengritagh tori" ning xitaychisigha bésilghan munasiwetlik xewerge qarighanda, bu yilning béshidin 6-ayghiche bolghan ariliqta sélin'ghan bu zor sommiliq meblegh üchün Uyghur aptonom rayonluq hökümet maliyesidin 200 milyon yüen, xitay merkiziy maliyesidin ikki milyard 240 milyon yüen ajritilghan.

Xewerdin melum bolushiche, bu qétimliq "Ishqa orunlashturush boyiche terbiyelesh" türi Uyghur diyarining herqaysi jayliridiki "Téxnika terbiyelesh" we emgek küchini yötkep ishqa orunlashturush boyiche terbiyeleshnimu öz ichige alidiken. Halbuki, xewerde "Kespiy téxnika terbiyelesh" ning tepsilati heqqide uchur bérilmigen.

Xitay hökümiti Uyghur diyaridiki jaza lagérlirini izchil "Téxnika terbiyelesh mektipi" dep perdazlap kéliwatqan idi. Emdilikte "Ishqa orunlashturush boyiche terbiyelesh" ke rayondiki "Téxnika terbiyelesh" ningmu qoshuwétilishi közetküchilerning diqqitini qozghidi.

Ularning déyishiche, bu emeliyette xitay hökümitining rayondiki atalmish "Téxnika terbiye mektepliri" ning izchil kéngeytilishi üchün sélin'ghan meblighi bolushi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet