Ғулҗиниң қазанчи мәһәллисидә саяһәт фестивали өткүзүлди

Мухбиримиз әркин
2017-04-07
Share

6‏-Апрел ғулҗиниң тарихий әң узун мәһәллиси қазанчи мәһәллисидә саяһәт фестивали өткүзүлгән. Қазанчи ғулҗа шәһиридә һазирға қәдәр чеқилмай сақлинип қалған аз сандики символлуқ мәһәллиләрниң бири.

Билал назим, илахун көккүз қатарлиқ атақлиқ шаир, әдиб, сәнәтчиләр туғулған вә яшиған, уйғур миллий турмуши нисбәтән сағлам сақлинип кәлгән бу мәһәллә, буниңдин бир қанчә йиллар аввал нуқтилиқ саяһәт мәнзилгаһи елан қилинип, униң кириш‏-чиқиш еғизлириға дәрваза қоюлған. Әмма бәзи йәрлик аһалиләр, бу дәрвазиларниң қазанчи мәһәллисини қоғдаш үчүн әмәс, бу районда олтурушлуқ уйғурни контрол қилиш үчүн қуюлғанлиқини илгири сүрүп кәлгән иди.

Уйғур паалийәтчиләр, уйғур шәһәрлиридики қәдимий мәһәллә вә рәстиләрниң хитай шәһәр қурулуш пиланиниң қаттиқ тәһдитигә учрап келиватқанлиқини көп қетим агаһландурған. Уларниң қаришичә, хитай бундақ мәһәллә фестивали өткүзүп, уйғур мәдәнийитини қоғдиғандәк қилсиму, бирақ униң бир-икки мәһәллини сақлап қелип, қалған тарихий мәһәллә вә рәстиләрни чиқиши, уйғур мәдәнийитигә қилинған зор бузғунчилиқтур.

Бирақ, хитай һөкүмити уйғурларниң бу хил агаһландурушиға қулақ салмай кәлди. Шинхуа агентлиқиниң хәвәр қилишичә, үрүмчиниң уйғурлар зич олтурушлуқ кона шәһәр районини чеқиш хизмити пәйшәнбә күни башланған. Хитайниң пилани бойичә, үрүмчиниң бу районидики 173 квадрат километирлиқ даирә чеқилиду. Даириләр мәзкур чеқиш пиланиға 130 милярд йүән мәбләғ аҗратқан.

“йәр шари вақти гезити”ниң хәвәр қилишичә, 6‏-апрел өткүзүлгән бу йиллиқ ғулҗа қазанчи саяһәт фестивалида уйғурларниң йемәк-ичмәк, өрп -адәт, турмуш усули, кийим-кечәк, һойла-арам мәдәнийити, меһмандарчилиқ, кишилик мунасивәт вә нахша-усул әнәниси намаян қилинған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт