Ghuljining qazanchi mehelliside sayahet féstiwali ötküzüldi

Muxbirimiz erkin
2017-04-07
Share

6‏-Aprél ghuljining tarixiy eng uzun mehellisi qazanchi mehelliside sayahet féstiwali ötküzülgen. Qazanchi ghulja shehiride hazirgha qeder chéqilmay saqlinip qalghan az sandiki simwolluq mehellilerning biri.

Bilal nazim, ilaxun kökküz qatarliq ataqliq sha'ir, edib, sen'etchiler tughulghan we yashighan, Uyghur milliy turmushi nisbeten saghlam saqlinip kelgen bu mehelle, buningdin bir qanche yillar awwal nuqtiliq sayahet menzilgahi élan qilinip, uning kirish‏-chiqish éghizlirigha derwaza qoyulghan. Emma bezi yerlik ahaliler, bu derwazilarning qazanchi mehellisini qoghdash üchün emes, bu rayonda olturushluq Uyghurni kontrol qilish üchün quyulghanliqini ilgiri sürüp kelgen idi.

Uyghur pa'aliyetchiler, Uyghur sheherliridiki qedimiy mehelle we restilerning xitay sheher qurulush pilanining qattiq tehditige uchrap kéliwatqanliqini köp qétim agahlandurghan. Ularning qarishiche, xitay bundaq mehelle féstiwali ötküzüp, Uyghur medeniyitini qoghdighandek qilsimu, biraq uning bir-ikki mehellini saqlap qélip, qalghan tarixiy mehelle we restilerni chiqishi, Uyghur medeniyitige qilin'ghan zor buzghunchiliqtur.

Biraq, xitay hökümiti Uyghurlarning bu xil agahlandurushigha qulaq salmay keldi. Shinxu'a agéntliqining xewer qilishiche, ürümchining Uyghurlar zich olturushluq kona sheher rayonini chéqish xizmiti peyshenbe küni bashlan'ghan. Xitayning pilani boyiche, ürümchining bu rayonidiki 173 kwadrat kilométirliq da'ire chéqilidu. Da'iriler mezkur chéqish pilanigha 130 milyard yüen meblegh ajratqan.

"Yer shari waqti géziti"ning xewer qilishiche, 6‏-aprél ötküzülgen bu yilliq ghulja qazanchi sayahet féstiwalida Uyghurlarning yémek-ichmek, örp -adet, turmush usuli, kiyim-kéchek, hoyla-aram medeniyiti, méhmandarchiliq, kishilik munasiwet we naxsha-usul en'enisi namayan qilin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet