Amérikadiki xitay tetqiqatchisi xitayning Uyghurlargha 14 milyard dollar tölem tölishini tewsiye qildi

Muxbirimiz erkin
2020-08-11
Share

Amérikadiki kléymont mikénna institutining proféssori, gérman marshal fondining tetqiqatchisi péy minshin maqale élan qilip, xitayning "Shinjangdin chiqish istiratégiyesi" ge éhtiyaji barliqi, uning barliq Uyghurlarni qoyup bérip, ularning her birige 14 ming dollardin jem'iy 14 milyard dollar tölem tölishini tewsiye qildi. Uning tekitlishiche, xitay özining shinjangdiki yönilishini özgertmey, amérikaning uninggha qarshi keng ittipaq qurushigha yardem qilmaqtiken.

U "Xitay shinjangdin chiqish istiratégiyesige éhtiyajliq" mawzuluq maqaliside, "Béyjingning shinjangda aqmaydighan hazirqi siyasitidin ilgiri-kéyin bolup waz kéchishke éhtiyaji chüshidighanliqi" ni tekitligen. Uning ilgiri sürüshiche, béyjingning yüzini saqlap qélishining yoli tutqundiki barliq Uyghurlarni qoyup bérishi, ularning her birige 14 ming 300 dollardin tölem tölep, turmushini retke séliwélishigha yardem qilish iken. U, bu pul ziyankeshlikke uchrighuchilarning meniwi ziyinini tolduralmisimu, lékin buning toghra yönilishke qarap bésilghan qedem ikenlikini bildürgen.

Uning tekitlishiche, xitay hökümiti yene Uyghurlargha uzun mezgillik maliye tereqqiyat yardimi bérishi, shinjangning tebi'iy bayliqidin teng behrimen bolushi, ilham toxtini qoyup bérishi, Uyghurlarning shinjang hökümitidiki ornini kücheytishi, Uyghurlarning medeniyitige hörmet qilishi, xitay köchmenlirini toxtitishi kérek iken. U, bu siyaset "Zorawanliqning waqitliq ewj élishini keltürüp chiqirishi mumkin bolsimu, emma xitay bixeterlik apparatlirining ghayet zor küchini nezerde tutqanda uning shinjangda omumyüzlük isyan yaki bölünüshni peyda qilishini qiyas qilish tes" dep körsetken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet