Уйғур елиниң пәйзиват наһийәсигә ичкири өлкиләрдин һәр йили 2000 хитай оқутқучи қобул қилинмақтикән

Мухбиримиз әркин
2021-02-26
Share

Уйғур тилиниң 2017-йилидин башлап уйғур ели маарип саһәсидә бирдәк чәклинишидин кейин райондики мәктәпләрниң омумйүзлүк хитайлаштурулғанлиқи вә ичкири өлкиләрдин давамлиқ хитай оқутқучи қобул қилиниватқанлиқи мәлум. Хитай таратқулириниң хәвәр қилишичә, уйғур елидики йәрлик хәлқ-уйғурлар мутләқ көп санлиқни игиләйдиған пәйзиват наһийәсиниң өзигә ичкири өлкиләрдин һәр йили 2 миң оқутқучи қобул қилинмақтикән.

Тәхминән 400 миң нопуслуқ бу наһийәдә һазир һечқандақ бир уйғур мәктипи қалмиған болуп, хитай тилида оқутуш бирдәк омумлашқан. 2017-Йилдин бурун пәйзиват маарипиниң асаси ғолини тәшкил қилған уйғур оқутқучилар қошуниниң тәқдириниң қандақ болғанлиқи мәлум әмәс. Кишилик һоқуқ тәшкилатлириниң билдүрүшичә, 2017-йили башланған чоң тутқунда уйғур маарип сепидики оқутқучиларниң бир қисми тутқун қилинип лагерларға қамалған, бир қисми мәҗбурий пенсийәгә чиқирилған.

Хитайда чиқидиған "җәнуб" гезитиниң йеқинда бәргән бир хәвиридә, һазир пәйзиват наһийәсиниң өзидә 465 мәктәп вә 160 миң йәсли оқуғучиси бар икән. Бирақ бу йәсли балилириниң қанчисиниң ата-аниси түрмә, лагерларға елип кетилип, қаранчуқсиз қалған йетим балилар икәнлики мәлум әмәс. "җәнуб" гезитиниң билдүрүшичә, нөвәттә хитайниң гуаңдоң өлкисидики 13 мәктәп пәйзиват наһийәсигә кәлгән хитай оқутқучилирини тәрбийәләшкә нишанлиқ ярдәм беришкә мәсул икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт