Uyghur élining peyziwat nahiyesige ichkiri ölkilerdin her yili 2000 xitay oqutquchi qobul qilinmaqtiken

Muxbirimiz erkin
2021-02-26
Share

Uyghur tilining 2017-yilidin bashlap Uyghur éli ma'arip saheside birdek cheklinishidin kéyin rayondiki mekteplerning omumyüzlük xitaylashturulghanliqi we ichkiri ölkilerdin dawamliq xitay oqutquchi qobul qiliniwatqanliqi melum. Xitay taratqulirining xewer qilishiche, Uyghur élidiki yerlik xelq-Uyghurlar mutleq köp sanliqni igileydighan peyziwat nahiyesining özige ichkiri ölkilerdin her yili 2 ming oqutquchi qobul qilinmaqtiken.

Texminen 400 ming nopusluq bu nahiyede hazir héchqandaq bir Uyghur mektipi qalmighan bolup, xitay tilida oqutush birdek omumlashqan. 2017-Yildin burun peyziwat ma'aripining asasi gholini teshkil qilghan Uyghur oqutquchilar qoshunining teqdirining qandaq bolghanliqi melum emes. Kishilik hoquq teshkilatlirining bildürüshiche, 2017-yili bashlan'ghan chong tutqunda Uyghur ma'arip sépidiki oqutquchilarning bir qismi tutqun qilinip lagérlargha qamalghan, bir qismi mejburiy pénsiyege chiqirilghan.

Xitayda chiqidighan "Jenub" gézitining yéqinda bergen bir xewiride, hazir peyziwat nahiyesining özide 465 mektep we 160 ming yesli oqughuchisi bar iken. Biraq bu yesli balilirining qanchisining ata-anisi türme, lagérlargha élip kétilip, qaranchuqsiz qalghan yétim balilar ikenliki melum emes. "Jenub" gézitining bildürüshiche, nöwette xitayning gu'angdong ölkisidiki 13 mektep peyziwat nahiyesige kelgen xitay oqutquchilirini terbiyeleshke nishanliq yardem bérishke mes'ul iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet