Шәндуң өлкисидин қәшқәргә йәнә 526 нәпәр хитай алий мәктәп оқутқучиси йөткәлгән

Мухбиримиз ирадә
2021-03-11
Share

Хитай һөкүмити шәндуң өлкисидин йәнә 526 нәпәр хитайни қәшқәрдә оқутқучилиқ қилишқа йөткигән. Хитайчә "тәңритағ" ториниң хәвиридин қариғанда, шәндуң өлкисидики университетлардин кәлгән бу хитай алий мәктәп оқуғучилири қәшқәрниң йиңисар наһийәси вә йопурға наһийәсигә орунлаштурулған болуп, хәвәрдә уларниң шәндуң өлкисиниң "шинҗаңға ярдәм бериш" түри бойичә қәшқәрдики алий билим юртлирида оқутқучи кәмчил болуш вәзийитини аяқлаштуруш үчүн кәлгәнлики баян қилинған.

2018-Йилидин башлап, шәндуң өлкисидин қәшқәргә кәлгән бундақ алий мәктәп пирактикантлириниң сани 1568 нәпәр икән.

Чәт әлләрдики уйғур көзәткүчиләрниң қаришичә, уйғур елида зор көләмлик тутқун башлиғандин буян, қәшқәрдики һәр дәриҗилик билим юртлирида хизмәт қиливатқан нурғун уйғур оқутқучилар тутқун қилинип кетип, оқу-оқутуш хизмәтлири ақсап қалған. Хитай һөкүмити алий мәктәп оқуғучилирини пирактика баһанисидә йөткәш арқилиқ уйғур оқутқучиларниң орнини толдурмақчи болуватқан икән.

"тәңритағ" ториниң хәвиридә ейтилишичә, юқириқи бу хитай алий мәктәп оқуғучилири йәсли, башланғуч мәктәп, толуқсиз оттура мәктәп вә толуқ оттура мәктәпләрдә пирактикиға орунлаштурулуватқан болуп, улар 60 миңдин артуқ оқуғучиға дәрс бәрмәктикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт