Shendung ölkisidin qeshqerge yene 526 neper xitay aliy mektep oqutquchisi yötkelgen

Muxbirimiz irade
2021-03-11
Share

Xitay hökümiti shendung ölkisidin yene 526 neper xitayni qeshqerde oqutquchiliq qilishqa yötkigen. Xitayche "Tengritagh" torining xewiridin qarighanda, shendung ölkisidiki uniwérsitétlardin kelgen bu xitay aliy mektep oqughuchiliri qeshqerning yingisar nahiyesi we yopurgha nahiyesige orunlashturulghan bolup, xewerde ularning shendung ölkisining "Shinjanggha yardem bérish" türi boyiche qeshqerdiki aliy bilim yurtlirida oqutquchi kemchil bolush weziyitini ayaqlashturush üchün kelgenliki bayan qilin'ghan.

2018-Yilidin bashlap, shendung ölkisidin qeshqerge kelgen bundaq aliy mektep piraktikantlirining sani 1568 neper iken.

Chet ellerdiki Uyghur közetküchilerning qarishiche, Uyghur élida zor kölemlik tutqun bashlighandin buyan, qeshqerdiki her derijilik bilim yurtlirida xizmet qiliwatqan nurghun Uyghur oqutquchilar tutqun qilinip kétip, oqu-oqutush xizmetliri aqsap qalghan. Xitay hökümiti aliy mektep oqughuchilirini piraktika bahaniside yötkesh arqiliq Uyghur oqutquchilarning ornini toldurmaqchi boluwatqan iken.

"Tengritagh" torining xewiride éytilishiche, yuqiriqi bu xitay aliy mektep oqughuchiliri yesli, bashlan'ghuch mektep, toluqsiz ottura mektep we toluq ottura mekteplerde piraktikigha orunlashturuluwatqan bolup, ular 60 mingdin artuq oqughuchigha ders bermektiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet