Xitay hökümiti torda “Shinjangda xizmet bar” teshwiqati élip barmaqtiken

Muxbirimiz jewlan
2022.05.04
Share on WhatsApp
Share on WhatsApp

Xitayche “Tengritagh tori” ning 3-may küni chiqarghan xewiride körsitilishiche, Uyghur rayonida ötken bir pesilde 790 qétim torda we neq meydanda xizmetchi élish pa'aliyiti ötküzülgen hemde 260 ming ademge ish orni teminlen'gen.

Xitay da'iriliri “Her ayda adem élish, her waqit adem élish mulazimiti yolgha qoyush, torda adem élishni üzlüksiz dawamlashturush” pilani boyiche chong-kichik sheherlerde ish kütüp turghanlarni jelp qilghan؛ “Shinjangda xizmet bar” namliq torda biwasite tarqitish programmisi ishlep tarqatqan we bügün'giche 41 san ishlep bolghan؛ uningdin bashqa, 2022-yil oqush püttüridighan aliy mektep oqughuchilirini torda xizmetke tonushturghan.

Uyghur aptonom rayonluq “Ishqa orunlashturush ammiwi mulazimet orni” ning bashliqi li jénjyang buningdin kéyin tor arqiliq téximu köp ademni uchur we mulazimet bilen teminleydighanliqini bildürgen.

Uyghur rayonidiki yighiwélish lagérliri we u yerge qamalghanlarni qul emgikige sélish heqqide ashkarilan'ghan melumatlardin qarighanda, xitay hökümiti zor köp sandiki Uyghurlarni eslidiki xizmet ornidin, shirketliridin, dukanliridin, yerliridin ayrip, lagérdiki mehkum qullargha aylandurup qoyghan. Tetqiqatchi derrén baylérning “Shinjang némishqa xitay köchmenliri eng köp jaylashqan mustemlikige aylinip qaldi?” namliq maqaliside körsitilishiche, xitay hökümiti yerlik Uyghurlarni xilmu xil qebih siyasetler bilen weyran qilip, lagérgha solap yaki qul ishchi qilip, ulardin bosh qalghan orunlargha köchmen xitaylarni orunlashturghan, ichkiride ish kütüp turghanlarni yuqiri teminat bilen jelp qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.