Хитай һөкүмити уйғур дияриға зор санда оқутқучи әвәтидикән

Мухбиримиз әзиз
2021-07-07
Share

Хитай мәркизий һөкүмити йеқинда мәхсус уқтуруш чиқирип уйғур дияриға 1705 нәпәр оқутқучи әвәтиш арқилиқ маарип ишлириға "ярдәм" қилидиғанлиқини җакарлиди.

"хитай хәвәрлири" ториниң 7-июлдики хәвиригә қариғанда хитай маарип министирлики вә малийә министирлики бирләшмә баянат елан қилип, 2021-йили "иқтисаслиқлар қошуни арқилиқ әмәлий ярдәмдә болуш" намида уйғур дияридики маарип системисиға 1600 нәпәр, биңтуәнләргә 100 нәпәр оқутқучи әвәтидикән.

Муһаҗирәттики ‍анализчилар буни тәнқидләп хитай һөкүмитиниң бу қилмишини "уйғур тил-йезиқи маарип системисида мәний қилинғандин кейин, хитай оқутқучилар қошуни арқилиқ уйғур дияридики маарип сепини контрол қилишқа урунуш" деди. Америкадики мустәқил анализчи елшат һәсән буни кәскин әйибләп: "нөвәттә шәрқий түркистандики йүзлигән, миңлиған мунәввәр уйғур оқутқучилар лагерларға қамалди. Әмди хитай һөкүмити ашкара һалда миңлап хитай оқутқучиларни шәрқий түркистанға йөткәп уларни һәм көчмән һәм мустәмликичи һәм асмилатсийә қилиш қорали болуштәк қош ролларни ойнашқа орунлаштурмақта," деди.

Буниңдин илгириму иҗтимаий таратқуларда мушу хилдики юқури мааш билән оқутқучи болуш чақириқлириға аваз қошуп уйғур дияриға барған көплигән хитай "оқутқучи" ларниң әмәлийәттә ялған диплом арқилиқ тизимға алдурғанлиқи, йәнә бәзиләрниң болса уйғур оқуғучиларни синипта һарғичә уруп-думбалиғанлиқи һәққидики түрлүк син көрүнүшлири тарқалған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт