Xitay hökümiti Uyghur diyarigha zor sanda oqutquchi ewetidiken

Muxbirimiz eziz
2021-07-07
Share

Xitay merkiziy hökümiti yéqinda mexsus uqturush chiqirip Uyghur diyarigha 1705 neper oqutquchi ewetish arqiliq ma'arip ishlirigha "Yardem" qilidighanliqini jakarlidi.

"Xitay xewerliri" torining 7-iyuldiki xewirige qarighanda xitay ma'arip ministirliki we maliye ministirliki birleshme bayanat élan qilip, 2021-yili "Iqtisasliqlar qoshuni arqiliq emeliy yardemde bolush" namida Uyghur diyaridiki ma'arip sistémisigha 1600 neper, bingtu'enlerge 100 neper oqutquchi ewetidiken.

Muhajirettiki ‍analizchilar buni tenqidlep xitay hökümitining bu qilmishini "Uyghur til-yéziqi ma'arip sistémisida men'iy qilin'ghandin kéyin, xitay oqutquchilar qoshuni arqiliq Uyghur diyaridiki ma'arip sépini kontrol qilishqa urunush" dédi. Amérikadiki musteqil analizchi élshat hesen buni keskin eyiblep: "Nöwette sherqiy türkistandiki yüzligen, minglighan munewwer Uyghur oqutquchilar lagérlargha qamaldi. Emdi xitay hökümiti ashkara halda minglap xitay oqutquchilarni sherqiy türkistan'gha yötkep ularni hem köchmen hem mustemlikichi hem asmilatsiye qilish qorali bolushtek qosh rollarni oynashqa orunlashturmaqta," dédi.

Buningdin ilgirimu ijtima'iy taratqularda mushu xildiki yuquri ma'ash bilen oqutquchi bolush chaqiriqlirigha awaz qoshup Uyghur diyarigha barghan köpligen xitay "Oqutquchi" larning emeliyette yalghan diplom arqiliq tizimgha aldurghanliqi, yene bezilerning bolsa Uyghur oqughuchilarni sinipta harghiche urup-dumbalighanliqi heqqidiki türlük sin körünüshliri tarqalghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet