Xitayning herqaysi jayliridin 28320 adem Uyghur élide ishqa orunlashturulidiken

Muxbirimiz irade
2020-07-09
Élxet
Pikir
Share
Print

Xitay rehberliri hedep aliy mektep püttürgen oqughuchilarni Uyghur élide yiltiz tartishqa chaqiriwatqan bir mezgilde Uyghur élidiki karxanilarning jem'iyettin bu yil jem'iyettin 28320 neper xizmetchi xadim qobul qilidighanliqi heqqide uqturush tarqitildi.

Xitayning "Tengritagh tori" da tarqitilghan bu uqturushtin qarighanda, 7-ayning 31-künigiche, Uyghur élining herqaysi jayliridiki xususiy karxanilarnimu öz ichige alghan 1395 orun jem'iyettin 28320 xizmetchi xadim qobul qilidiken. Bu munasiwet bilen Uyghur élidiki karxanilar memliket miqyasidin adem qobul qilish üchün teklip qilish yermenkisi ötküzidiken. U 2020-yili uniwérsitétni püttürgenler, ishsizlar we ishtin boshitilghan we yaki ish kütüp turghan xizmetchilerni merkezlik ishqa orunlashturidiken.

Yuqiridiki xewerde yene, Uyghur élidiki herqaysi nahiyelerning qanche adem qobul qilidighanliqi heqqidiki sanliq melumatmu bérilgen bolup, ili qazaq aptonom oblastigha 4067, xoten'ge 8495 neper, ürümchige 4002 neper qatarliq jem'iy 28320 adem qobul qilinidiken.

Xitay hökümiti yillardin béri xitay ölkiliridin herxil namlar, herxil siyasetler boyiche Uyghur élige adem yötkeshni dawam qilmaqta. Uyghurlar lagérgha qamalghandin sirt, ichkiri ölkilerge "Éshincha emgek küchi" namida yötkiliwatqan bir shara'itta xitaylarning hedep Uyghur élide ishqa orunlashturulushi xelq'ara kishilik hoquq organliri eng küchlük tenqid qiliwatqan mesililerning biri idi.

Toluq bet