Shi jinping aliy mektep oqughuchilirigha mektup yézip ularni Uyghur élide yiltiz tartishqa chaqirghan

Muxbirimiz irade
2020-07-09
Élxet
Pikir
Share
Print

Yéqindin buyan xitayning "Shinjang géziti" we "Tengritagh tori" qatarliq tor betliride xitay dölet re'isi shi jinpingning béyjingdiki néfit uniwérsitétining qaramaydiki shöbisini püttürgen aliy mektep oqughuchilirigha yazghan bir parche xéti keng teshwiq qilinmaqta.

Xewerlerdin qarighanda shi jinping xétide yuqiridiki mektepni püttürgen oqughuchilarning Uyghur élide qélip, asasiy qatlamda xizmet qilishni tallighanliqini medhiyeligen bolup, buning netijiside hazir shi jinpingning xétining rohini öginish dolquni kötürülgen.

Uyghur aptonom rayonluq partkom sékrétari chén chüen'go 7-ayning 8-küni, mexsus qaramaydiki mektep rayonigha yétip bérip söz qilghan. Diqqet qozghaydighini, u shu kündiki sözide aliy mektep püttürgen oqughuchilarni tarixiy burchni zimmisige élip Uyghur élide yiltiz tartip qélishqa chaqirghan. U buni "Junggo arzusining shinjang sehipisini pütüshning asasi", dep körsetken.

Chén chüen'go sözide töwendikidek ibarilerni qollan'ghan: ". . . Aliy mektep oqughuchiliri burchni dadil zimmige élip, döletni söyüsh, shinjangni söyüshni ömürlük étiqadi qilip, toghraqqa oxshash wetinimizning gherbiy qismidiki chégra rayonda yiltiz tartishi kérek. Chégra rayonni qizghin söyidighan, chégra rayonni muhapizet qilidighan, chégra rayon'gha özini béghishlaydighan jenggiwar qoshun'gha aylinishi kérek".

Xitay dölet re'isi shi jinpingning biwasite halda aliy mektep püttürgen oqughuchilarni Uyghur élide yiltiz tartishqa seperwerlik qilishi diqqet qozghidi. Chet'ellerdiki Uyghur közetküchiler buni Uyghur élide 3 milyondin artuq Uyghur qatarliq yerlik milletler lagérlargha qamalghan we qalghan yash emgek küchliri hedep Uyghur élining ichi we sirtida mejburiy emgekke tutuluwatqan bir shara'itta xitaylarni ularning orunlirigha yötkeshtiki muhim istratégiyelik pilan bolushi mumkin, dep mölcherlimekte.

Toluq bet