Ақсу вилайити хитай өлкилиридин 10 миң нәпәргә йеқин хитай тили оқутқучиси қобул қилған

Мухбиримиз ирадә
2018-08-16
Елхәт
Пикир
Share
Принт

Ақсу вилайити өткән 9 ай ичидә хитай өлкилиридин 10 миң нәпәргә йеқин хитай тили оқутқучиси қобул қилған.

Ақсу вилайәтлик һөкүмәт торида елан қилинған хәвәргә қариғанда, уйғур аптоном районлуқ һөкүмәтниң аталмиш «дөләт ортақ тил-йезиқи», йәни хитай тили оқутушини зор күч билән илгири сүрүш тоғрисидики тәдбир-орунлаштурмисиға асасән ақсу вилайитиниң өзила 2017-йили 11 айдин һазирғичә болған қисқиғинә вақит ичидә хитай өлкилиридин 9456 нәпәр оқутқучи қобул қилған.

Хәвәрдә дейилишичә, хитай өлкилиридин қобул қилинған бу зор сандики оқутқучиларниң маашиға капаләтлик қилиш үчүн уйғур аптоном районлуқ һөкүмәт 308 милйон йүән ярдәм мәблиғи билән тәминлигән.

Чәтәлләрдики уйғур көзәткүчиләр хитай тилини омумлаштуруш һәрикитиниң пүтүн уйғур дияри миқясида елип бериливатқанлиқини нәзәрдә тутқанда уйғур елидики башқа вилайәтләргиму хитай өлкилиридин зор түркүмдә оқутқучи қобул қилиниватқан болуши мумкинликини пәрәз қилишмақта.

Хитай һөкүмити 2017-йилидин буян хитай өлкилиридин уйғур елигә сақчи хадими вә хитай тили оқутқучисини қобул қилишни һәссиләп ашурған иди. Уйғур елида тәсис қилинған «йепиқ тәрбийә» лагерлирида бир милйондин артуқ уйғурниң соланғанлиқи хәлқаралиқ нопузлуқ органларниң көңүл бөлүшигә еришкән бир мәзгилдә хитай һөкүмитиниң хитай өлкилиридин юқири тәминат билән түркүмләп адәм йөткиши күчлүк диққәт қозғимақта.

Пикирләр (0)
Share
Толуқ бәт