Aqsu wilayiti xitay ölkiliridin 10 ming neperge yéqin xitay tili oqutquchisi qobul qilghan

Muxbirimiz irade
2018-08-16
Élxet
Pikir
Share
Print

Aqsu wilayiti ötken 9 ay ichide xitay ölkiliridin 10 ming neperge yéqin xitay tili oqutquchisi qobul qilghan.

Aqsu wilayetlik hökümet torida élan qilin'ghan xewerge qarighanda, Uyghur aptonom rayonluq hökümetning atalmish "Dölet ortaq til-yéziqi", yeni xitay tili oqutushini zor küch bilen ilgiri sürüsh toghrisidiki tedbir-orunlashturmisigh'a asasen aqsu wilayitining özila 2017-yili 11 aydin hazirghiche bolghan qisqighine waqit ichide xitay ölkiliridin 9456 neper oqutquchi qobul qilghan.

Xewerde déyilishiche, xitay ölkiliridin qobul qilin'ghan bu zor sandiki oqutquchilarning ma'ashigha kapaletlik qilish üchün Uyghur aptonom rayonluq hökümet 308 milyon yüen yardem meblighi bilen teminligen.

Chet'ellerdiki Uyghur közetküchiler xitay tilini omumlashturush herikitining pütün Uyghur diyari miqyasida élip bériliwatqanliqini nezerde tutqanda Uyghur élidiki bashqa wilayetlergimu xitay ölkiliridin zor türkümde oqutquchi qobul qiliniwatqan bolushi mumkinlikini perez qilishmaqta.

Xitay hökümiti 2017-yilidin buyan xitay ölkiliridin Uyghur élige saqchi xadimi we xitay tili oqutquchisini qobul qilishni hessilep ashurghan idi. Uyghur élida tesis qilin'ghan "Yépiq terbiye" lagérlirida bir milyondin artuq Uyghurning solan'ghanliqi xelq'araliq nopuzluq organlarning köngül bölüshige érishken bir mezgilde xitay hökümitining xitay ölkiliridin yuqiri teminat bilen türkümlep adem yötkishi küchlük diqqet qozghimaqta.

Toluq bet