Корла шәһиригә хитай миқяси бойичә 600 нәпәр оқутқучи қобул қилидикән

Мухбиримиз ирадә
2019-08-22
Елхәт
Пикир
Share
Принт

Хитай һөкүмитиниң уйғур елигә хитай көчмән йөткәшни тезләштүрүватқанлиқи мәлум.

22-Авғуст күни корла шәһәрлик һөкүмәт торида корла шәһиридики һәрқайси башланғуч, оттура мәктәпләргә пүтүн хитай миқясидин җәмий 600 нәпәр оқутқучи қобул қилинидиғанлиқи һәққидә уқтуруш тарқитилған.

Бир нөвәттила қобул қилинидиған оқутқучи саниниң бунчә көплүки чәтәлләрдики көзәткүчиләрниң диққәт қозғиди. Техи йеқиндила ғулҗа наһийәсиму уқтуруш чиқирип, наһийә тәвәсидики башланғуч-оттура мәктәпләргә җәмий 600 нәпәр «дөләт тили», йәни хитай тили оқутқучиси қобул қилидиғанлиқини елан қилған иди.

2019-Йилиниң бешидин буян уйғур елиниң һәрқайси вилайәт-наһийәлиридә сақчи, бихәтәрлик хадими вә оқутқучи қобул қилиш һәққидә уқтурушлар көрүнәрлик көпәйгән. Дуня уйғур қурултийи баянатчиси дилшат ришит бу һәқтә тохтилип, хитай һөкүмити уйғур елидә лагер түзүмини йолға қоюп, аз дегәндә 2 милйон уйғур, қазақ қатарлиқ йәрлик хәлқләрни лагерларға қамиғандин кейин районни хитай көчмәнләр билән толдурушқа вә бу арқилиқ мутләқ контроллуқни ишқа ашурушни көзләватқанлиқини билдүрди.

Пикирләр (0)
Share
Толуқ бәт