Хитай һөкүмити хитай яшлирини "тәклимаканда йилтиз тартиш" қа тәшкиллимәктә

Мухбиримиз әзиз
2020-09-11
Share

Хитай һөкүмитиниң йеқинқи мәзгилләрдә уйғурлар дияридики һәрқайси кәспий орунларға ичкиридин хизмәтчи елишида һазир "90-йилидин кейин туғулған яшлар" ни мушу җайларда "мәңгүлүк йилтиз тартиш" қа чақириши диққәт қозғиди.

Хитай һөкүмити башқурушидики шинхуа агентлиқиниң 10-сентәбирдики хәвиридә ейтилишичә, хитай һөкүмитиниң юқири мааш, һәқсиз өй дегәндәк бир қатар параванлиқ мукапати арқисида хебей, гәнсу қатарлиқ җайлардин кәлгән "90-йилидин кейин туғулған" бир түркүм хитай яшлири биваситә чәрчән наһийәсигә келип оттура мәктәп оқутқучиси болған. Аһалисиниң 80 пирсәнттин артуқрақи уйғурлар болған бу наһийәгә хитай һөкүмити ичкири өлкиләрдин мушу хилдики оқутқучиларни тәклип қилиш вә башқа маарип ишлири үчүн өткән бәш йилда бир йерим милярд сом (тәхминән 200 милйон америка доллири)ға йеқин мәбләғ салған һәмдә 800 дин артуқ хитай яшни оқутқучилиққа тәклип қилған. Гәрчә бу йеңи оқутқучилар уйғурчә билмисиму һазир бу мәсилини һәл қилиш алдида икән.

Муһаҗирәттики анализчилар бу һални миңлиған уйғур алий мәктәп оқуғучилири ишсиз қеливатқан реаллиқ билән селиштуруп буни хитай һөкүмитиниң ғәрәзлик һалда уйғур маарип қошунини контрол қилиш юруниши, дейишмәктә. Америкадики мустәқил көзәткүчи илшат һәсән бу тоғрисида сөз қилип "хитай һөкүмитиниң бундақ ашкара йосунда хитай яшлирини мәңгүлүк йилтиз тартишқа чақириқ қилиши уларниң қоюқ мустәмликичилик түсини алған нопус көчүрүш һәрикитини давраң қилиштин башқа нәрсә әмәс" деди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт