Xitay hökümiti xitay yashlirini "Teklimakanda yiltiz tartish" qa teshkillimekte

Muxbirimiz eziz
2020-09-11
Élxet
Pikir
Share
Print

Xitay hökümitining yéqinqi mezgillerde Uyghurlar diyaridiki herqaysi kespiy orunlargha ichkiridin xizmetchi élishida hazir "90-Yilidin kéyin tughulghan yashlar" ni mushu jaylarda "Menggülük yiltiz tartish" qa chaqirishi diqqet qozghidi.

Xitay hökümiti bashqurushidiki shinxu'a agéntliqining 10-séntebirdiki xewiride éytilishiche, xitay hökümitining yuqiri ma'ash, heqsiz öy dégendek bir qatar parawanliq mukapati arqisida xébéy, gensu qatarliq jaylardin kelgen "90-Yilidin kéyin tughulghan" bir türküm xitay yashliri biwasite cherchen nahiyesige kélip ottura mektep oqutquchisi bolghan. Ahalisining 80 pirsenttin artuqraqi Uyghurlar bolghan bu nahiyege xitay hökümiti ichkiri ölkilerdin mushu xildiki oqutquchilarni teklip qilish we bashqa ma'arip ishliri üchün ötken besh yilda bir yérim milyard som (texminen 200 milyon amérika dolliri)gha yéqin meblegh salghan hemde 800 din artuq xitay yashni oqutquchiliqqa teklip qilghan. Gerche bu yéngi oqutquchilar Uyghurche bilmisimu hazir bu mesilini hel qilish aldida iken.

Muhajirettiki analizchilar bu halni minglighan Uyghur aliy mektep oqughuchiliri ishsiz qéliwatqan ré'alliq bilen sélishturup buni xitay hökümitining gherezlik halda Uyghur ma'arip qoshunini kontrol qilish yurunishi, déyishmekte. Amérikadiki musteqil közetküchi ilshat hesen bu toghrisida söz qilip "Xitay hökümitining bundaq ashkara yosunda xitay yashlirini menggülük yiltiz tartishqa chaqiriq qilishi ularning qoyuq mustemlikichilik tüsini alghan nopus köchürüsh herikitini dawrang qilishtin bashqa nerse emes" dédi.

Toluq bet