"Soda chembiriki" géziti: "Bir xelq pütünley ghayib qiliwétilish xewpide turmaqta"

Muxbirimiz shöhret hoshur
2018-08-01
Élxet
Pikir
Share
Print

"Soda chembiriki" géziti bügün, yeni 1‏-awghust küni xitay nopusining aran 1. 5 Pirsentini teshkil qilidighan Uyghur aptonom rayonining néme üchün bir saqchi dölitige aylandurulghanliqi heqqide maqale élan qilindi. Maqalida eger jiddiy rewishte aldi élinmisa, Uyghur diyarida chong bir qetli'amning yüz bérish éhtimalliqi we shundaqla pütün bir xelqning ghayib qiliwétilish xewpi otturigha qoyuldi.

Uyghur aptonom rayonidiki yerlik ahalilerning d n a ewrishkisini toplashtin yüz tonush téxnikisini omumlashturushqa qeder bolghan weziyiti tepsiliy bayan qilin'ghan mezkur maqalida xitay boyiche 2017‏-yili qolgha élin'ghanlarning 20 pirsentining, yeni 227082 nepirining Uyghur rayonidin ikenliki eslitilgen. Maqalida bu sanning nöwette lagérlarda "Siyasiy terbiye" éliwatqan bir milyondin artuq kishini öz ichige almaydighanliqi alahide eskertilgen.

Maqalida yene mutexessis rayan tom bilen sha'ir tahir hamutning ötken heptidiki "Diniy erkinlikni ilgiri sürüsh yighini" da qilghan guwahliq sözliridin Uyghur diyarida bir qetli'amning yüz bérish éhtimalliqigha a'it bayanliri neqil élin'ghan. Rayan tom shu yighinda mundaq dégen idi: "(Lagérlarda) téximu qorqunchluq meqset téxi emeliyleshkini yoq. Hazir ölüm-yétimler heqqide Uyghur rayonidiki lagérdin anche-munche uchur kéliwatidu. Men oylaymenki, yéqin kelgüside bu rayonda chong bir qetli'amning yüz bérish éhtimalliqini héchqaysimiz inkar qilalmaymiz." 

"Soda chembiriki" gézitining bu maqaliside amérika dölet mejlisi ezasi marko rubiyoning töwendiki sözlirige alahide orun bérilgen: "Xitay bügünki küchi bilen qiliwatqanliri bu, u ete téximu küchlen'gende némilerni qilmaydu déyeleymiz? xitayning hazir öz puqralirigha qiliwatqanliri bu, u eger dunyawi küchke aylan'ghanda, qolum-qoshnilirigha we bashqa ellerge némilerni qilmaydu déyeleymiz!?"

Toluq bet