Gérmaniyelik yazghuchi in'grid widiyartoning "Uyghurlar heqqide éytilmighan hékaye" namliq kitabi neshr qilin'ghan

Muxbirimiz qutlan
2015-08-17
Élxet
Pikir
Share
Print

Yéqinda gérmaniyening wagnér neshriyati gérman yazghuchisi in'grid widiyartoning "Uyghurlar heqqide éytilmighan hékaye" namliq kitabi gérman tilida neshr qilghan.

Melum bolushiche, bu kitab gérman yazghuchisi widiyartoning Uyghurlar heqqide neshr qilghan üchinchi kitabi iken. Uning ilgiri neshr qildurghan "Uyghurlar wetinige sayahet" namliq kitabi gérman oqurmenliri teripidin söyülüp oqulghan.

"Uyghurlar heqqide éytilmighan hékaye" namliq bu kitab in'grid xanimning yéqinqi yillardin buyan xitay hökümiti teripidin tutqun qilin'ghan Uyghur siyasiy mehbuslar hemde muhajirette yashawatqan bir qisim Uyghur ziyaliylirining kechürmishlirini asasiy liniye qilish arqiliq ammibab edebiy usulda yézip chiqqan kitabi iken.

Aptor bu kitabida ré'al shexslerning heqiqiy kechürmishlirini asasiy weqelik liniyisi qilish hemde uninggha melum derijide bedi'iy toqulma bilen edebiy tesewwurni birleshtürüsh arqiliq oqurmenlerge janliq, ammibab tesirat bergen.

Közetküchiler, yéqinqi yillardin buyan gherbte Uyghurlar heqqide eser yazidighan yazghuchilarning köpiyiwatqanliqini, ularning Uyghurlar heqqide yazghan ammibab we bedd'iy eserlirining Uyghurlarning dunya miqyasida tonulushi hemde bilinishige türtke boluwatqanliqini ilgiri sürmekte.

Toluq bet