Erebche yézilghan "Uyghurlar" namliq kitab qahire kitab yermenkiside orun aldi

Muxbirimiz shöhret hoshur
2016-02-03
Share

Misir paytexti qahirede ötküzüliwatqan xelq'araliq qahire kitab yermenkiside erebche yézilghan "Uyghurlar" namliq kitabmu orun alghan. Türkiyede tesis qilin'ghan Uyghurche "Istiqlal" torining bu heqtiki xewiride bayan qilinishiche, mezkur kitab iraqliq doktor su'ad hadi teripidin yézilghan, uningda Uyghurlarning bügüni we ötmüshi, jümlidin ilgiri qurulghan "Sherqi türkistan jumhuriyetliri" heqqide melumatlar bérilgen.

Mezkur torning bildürüshiche, Uyghurlar heqqide ilmiy melumat yétersizliki, Uyghurlarning ereb dunyasigha tonulushidiki bir boshluq bolup, mezkur kitabning bu yermenkide orun élishi körgezmidin xewerdar Uyghurlarni söyündürgen. Matériyallarda körsitilishiche, qahire yermenkisi 1969 - yildin béri ötküzülmekte. 27 - Yanwar küni bashlan'ghan bu yermenke 10 - féwral küni axirlishidu. Istiqlal torining xewiride déyilishiche, bu qétimqi yermenkige 35 dölettin 850 neshriyat orgini qatnashqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.