Uyghurlarning qamal qiliniwatqan diniy erkinliki we medeniyiti heqqide xelq'araliq yighin échilidu

Muxbirimiz eziz
2018-02-13
Élxet
Pikir
Share
Print

Uyghurlar diyaridiki éghirlap méngiwatqan siyasiy weziyetning biwasite tesirige uchrawatqan amillar ichide Uyghurlarning diniy étiqad erkinliki we medeniyiti aldinqi orunda turup kéliwatqanliqi melum. Bu tesirning nöwettiki ehwali hemde uning yönülishi heqqidiki mesililerge qarap chiqish meqsitide birnechche xelq'araliq teshkilatlarning hemkarliqida 26-féwral küni amérika dölet mejliside mexsus xelq'araliq yighin échish qarar qilindi.

Wakaletsiz milletler teshkilati, Uyghur insan heqliri qurulushi teshkilati, amérika Uyghur birleshmisi we dunya Uyghur qurultiyi qatarliq orunlarning hemkarlashma sahibxaniliqida échilidighan bu yighinda mutexessisler we alimlar Uyghurlar nöwette duch kéliwatqan weziyet hemde buninggha taqabil turush tedbirlirini muhakime qilidu.

Yighin'gha teklip qilin'ghanlardin jorj washin'gton uniwérsitétining proféssori shan robérts, nyuyork uniwérsitétining ziyaretchi alimi téng byaw, amérika dölet mejlisi qarmiqidiki xelq'ara diniy erkinlik komitétining xadimi tina mafford, radiyomiz Uyghur bölümining mes'uli alim séytof qatarliqlar ayrim-ayrim söz qilip, öz qarashlirini otturigha qoyidu. 

Melum bolushiche, Uyghurlar diyaridiki barghanséri yuqiri pellige chiqiwatqan, shundaqla tarixta misli körülmigen siyasiy kontrolluq hazir hersahe kishilirining küchlük diqqitini qozghap kelmekte iken. Shu sewebtinmu yéqindin buyan mushu xildiki yighinlar köplep échiliwatqan bolup, Uyghurlar mesilisining xelq'arada küchlük derijide biliniwatqanliqining bir ipadisi, dep qaralmaqta.

Toluq bet